തിരുവനന്തപുരം: കടയ്‌ക്കാവൂരില്‍ അമ്മ മകനെ ലൈംഗികമായി പീഡിപ്പിച്ചെന്ന കേസില്‍ അമ്മയുടെ ജാമ്യാപേക്ഷ പോക്‌സോ കോടതി തള്ളി.
തിരുവനന്തപുരം പോക്‌സോ കോടതിയാണ് ജാമ്യാപേക്ഷ തള്ളിയത്. നിലവില്‍ പീഢനത്തിനിരയായി എന്ന് ആരോപിക്കപ്പെടുന്ന മൂത്ത മകന്റെ മൊഴി നിലനില്‍ക്കുന്ന സാഹചര്യത്തിലാണ് ജാമ്യാപേക്ഷ തള്ളിയത്. കുട്ടി കൗണ്‍സിലിംഗ് നടത്തിയവര്‍ക്ക് മുന്നിലും മജിസ്‌ട്രേറ്റ് മുന്നിലും ഇതേ കാര്യങ്ങള്‍ കുട്ടി വിവരിച്ചതായി കേസ് ഡയറയിലുണ്ടെന്ന് കോടതി വിധിന്യായത്തില്‍ പറഞ്ഞു.
സ്ത്രീയുടെ ഇളയമകന്‍ ഈ പരാതി തെറ്റാണെന്ന് മാധ്യമങ്ങളില്‍ ആരോപിച്ചിരുന്നു. ഭര്‍ത്താവ് മൂത്ത മകനെ ഉപയോഗിച്ച് അമ്മയെ കുടുക്കാന്‍ ശ്രമിച്ചതാണെന്ന് സ്ത്രീയുടെ അഭിഭാഷകന്‍ വാദിച്ചെങ്കിലും കോടതി അത് അംഗീകരിച്ചില്ല.
പരാതി ലഭിച്ചതിനെ തുടര്‍ന്ന് ശിശുക്ഷേമസമിതിയ്‌ക്ക് മുന്നില്‍ പരാതിക്കാരനായ മൂത്ത മകനെ പൊലീസ് ഹാജരാക്കിയിരുന്നു. ഈ റിപ്പോര്‍ട്ട് ശിശുക്ഷേമസമിതി പൊലീസിന് നല്‍കിയുന്നു.
പ്രതികരിക്കാൻ ഇവിടെ എഴുതുക: