തിരുവനന്തപുരം: നിയമസഭാ സമ്മേളനം 22ന് പിരിയാന്‍ കാര്യോപദേശക സമിതി യോഗത്തില്‍ തീരുമാനം. കോവിഡ് പശ്ചാത്തലത്തിലാണ് സഭാ സമ്മേളനം വെട്ടിച്ചുരുക്കുന്നത്. 28 വരെയാണ് സമ്മേളനം നിശ്ചയിച്ചിരുന്നത്.
സ്പീക്കറെ നീക്കണമെന്ന പ്രമേയം 21നാണ് സഭയുടെ പരിഗണനയ്‌ക്ക് എത്തുന്നത്. സഭ വെട്ടിച്ചുരുക്കാനുള്ള നീക്കം പ്രമേയം ചര്‍ച്ചചെയ്യാതിരിക്കാനാണെന്ന് പ്രതിപക്ഷം ആരോപിച്ചു. എന്നാല്‍ പ്രമേയം ചര്‍ച്ച ചെയ്യുമെന്ന് ഔദ്യോഗിക വൃത്തങ്ങള്‍ അറിയിച്ചു.
സഭയുടെ ചരിത്രത്തില്‍ ഇതു മൂന്നാം തവണയാണ് സ്പീക്കര്‍ക്ക് എതിരായ പ്രമേയം ചര്‍ച്ചയ്‌ക്ക് വരുന്നത്. ഡപ്യൂട്ടി സ്പീക്കറാവും പ്രമേയത്തിന്റെ വേളയില്‍ സഭ നിയന്ത്രിക്കുക.
പ്രതികരിക്കാൻ ഇവിടെ എഴുതുക: