കൊല്‍ക്കത്ത: തുടക്കത്തില്‍ നേടിയ ലീഡ് തുലച്ച ഗോകുലം കേരള എഫ്‌സിക്ക്് ഐ ലീഗ് പതിനാലാം സീസണിലെ ആദ്യ മത്സരത്തില്‍ തോല്‍വി . ചെന്നൈ സിറ്റി എഫ്‌സിയോട് ഒന്നിനെതിരെ രണ്ട് ഗോളുകള്‍ക്ക് കീഴടങ്ങി. എല്‍വെഡിനും വിജയ് നാഗപ്പനുമാണ് ചെന്നൈക്കായി ഗോളുകള്‍ നേടിയത്് ഗോകുലത്തിന്റെ ഏക ഗോള്‍ ഡെന്നി ആന്റ്‌വിയാണ് സ്‌കോര്‍ ചെയ്തത്്.
കളിയുടെ മൂന്നാം മിനിറ്റില്‍ തന്നെ ഗോകുലം ലീഡ് നേടി. ഡെന്നി ആന്റ്‌വിയാണ് ഗോള്‍ നേടിയത്. എന്നാല്‍ തുടക്കത്തിലെ ഈ മുന്‍തൂക്കം നിലനിര്‍ത്താന്‍ അവര്‍ക്ക് കഴിഞ്ഞില്ല. അതേസമയം, ശക്തമായി പൊരുതിയ ചെന്നൈ സിറ്റി ഇരുപത്തിയേഴാം മിനിറ്റില്‍ ഗോള്‍ മടക്കി. പെനാല്‍റ്റിയിലൂടെ എല്‍വെഡിന്‍ സ്‌ക്രിജല്‍ജാണ് ഗോള്‍ നേടിയത്. ആദ്യ പകുതിയില്‍ ഇരു ടീമുകളും ഒപ്പത്തിനൊപ്പം (1-1).
രണ്ടാം പകുതിയുടെ തുടക്കത്തില്‍ ചെന്നൈ രണ്ടാം ഗോളും നേടി. വിജയ് നാഗപ്പനാണ് ഗോകുലത്തിന്റെ വല കുലുക്കിയത്. ലീഡ് നിലനിര്‍ത്തിയ ചെന്നൈ വിജയവും സ്വന്തമാക്കി. കൊല്‍ക്കത്തയിലെ സാള്‍ട്ട്‌ലേക്കില്‍ നടന്ന ഉദ്ഘാടന മത്സരത്തില്‍ മുഹമ്മദന്‍സ് എസ്‌സി ഏകപക്ഷീയമായ ഒരു ഗോളിന് സുദേവ് മൂണ്‍ലൈറ്റിനെ തോല്‍പ്പിച്ചു. ഫൈസല്‍ അലിയാണ് ഗോള്‍ നേടിയത്. മറ്റൊരു മത്സരത്തില്‍ മിനര്‍വ മടക്കമില്ലാത്ത ഒരു ഗോളിന് ഐസ്വാള്‍ എഫ്‌സിയെ പരാജയപ്പെടുത്തി. പ്രീതം സിങ്ങാണ് മിനര്‍വക്കായി ഗോള്‍ നേടിയത്്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: