ഗാസിയാബാദ്:യുപിയിലെ ശ്മശാനത്തിലെ ഷെല്ട്ടറിന്റെ മേല്‍ക്കൂര തകര്‍ന്ന് 23 പേര്‍ കൊല്ലപ്പെട്ടു. ഉത്തര്‍പ്രദേശിലെ മുറാദ്‌നഗറിലാണ് ദുരന്തമുണ്ടായത്. പരിക്കേറ്റ 15 പേര്‍ വിവിധ ആശുപത്രികളില്‍ ചികിത്സയിലാണ്.
ശവസംസ്‌കാരച്ചടങ്ങിനിടയില്‍ മഴ പെയ്തപ്പോള്‍ നിരവധി പേര്‍ ഈ ഷെല്‍ട്ടറില്‍ അഭയം തേടിയിരുന്നു. ഇവരാണ് കൊല്ലപ്പെട്ടത്. ജയ്‌റാം എന്നയാളുടെ ജഡം അടക്കുന്നതിനിടയിലാണ് അപകടം സംഭവിച്ചത്. മരിച്ചവരെല്ലാം തന്നെ ജയ് റാമിന്റെ ബന്ധുക്കളാണ്. രക്ഷാപ്രവര്‍ത്തകര്‍ തകര്‍ന്ന കെട്ടിടാവശിഷ്ടങ്ങളില്‍ ഒരാളും അവശേഷിക്കുന്നില്ലെന്ന് ഉറപ്പ് വരുത്താന്‍ വ്യാപകമായി തിരച്ചില്‍ നടത്തിയിരുന്നു.
പ്രദേശവാസികളാണ് ആദ്യം രക്ഷാപ്രവര്‍ത്തനത്തിനെത്തിയത്. പൊലീസും പിന്നാലെ നാഷണല്‍ ഡിസാസ്റ്റര്‍ റെസ്‌പോണ്‍സ് ഫോഴ്‌സും (എന്‍ഡിആര്‍എഫ്) എത്തിയാണ് അവശിഷ്ടങ്ങള്‍ക്കിടയില്‍ നിന്ന് ജഡങ്ങള്‍ പുറത്തെടുത്തത്.
പ്രതികരിക്കാൻ ഇവിടെ എഴുതുക: