പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രായപൂർത്തിയാകാത്ത രണ്ട് പേർ അറസ്റ്റിൽ

ശ്രീകാര്യം: പ്രായപൂർത്തിയാകാത്ത പെൺകുട്ടിയെ വീട്ടിലെത്തിച്ചു ലൈംഗികമായി പീഡിപ്പിച്ച കേസിൽ പ്രായപൂർത്തിയാകാത്ത രണ്ടു പേരെ ശ്രീകാര്യം പോലീസ് അറസ്റ്റ് ചെയ്തു . സെപ്തംബറിലാണ് സംഭവം.  

പീഡനത്തിന് വിധേയമായ പെൺകുട്ടി മാനസിക അസ്വാസ്ഥ്യം പ്രകടിപ്പിച്ചതിനെ തുടർന്ന് വീട്ടുകാർ കൗൺസിലിങിന് വിധേയമാക്കിയപ്പോഴാണ് വിവരം പുറത്തു വന്നത്. തുടർന്ന് വീട്ടുകാർ പോലീസിൽ പരാതിപ്പെട്ടു. അറസ്റ്റിലായവരെ  ജുവനൈൽ കോടതിയിൽ ഹാജരാക്കി റിമാൻഡ് ചെയ്തു. 

ശ്രീകാര്യം സർക്കിൾ ഇൻസ്‌പെക്ടർ അഭിലാഷ് ഡേവിഡിന്റെ നേതൃത്വത്തിലുള്ള പോലീസ് ആണ് ഇവരെ പിടികൂടിയത്.