കൊട്ടാരക്കര: ലോട്ടറി ടിക്കറ്റിലെ അക്കം തിരുത്തി വില്‍പ്പനക്കാരന്റെ അയ്യായിരം രൂപ കവര്‍ന്നു. സദാനന്ദപുരത്ത് ലോട്ടറി വില്പ്പന നടത്തുന്ന അമ്പലക്കര സ്വദേശി ഗോപിനാഥന്‍ ആചാരിയാണ് തട്ടിപ്പിനിരയായത്. ഇത് നാലാം തവണയാണ് കാഴ്ചക്കുറവുള്ള ഇദ്ദേഹത്തെ ഇത്തരത്തില്‍ കബളിപ്പിച്ച് പണം തട്ടുന്നത്.
ബൈക്കിലെത്തിയ ആള്‍ 1066 നമ്പര്‍ ലോട്ടറി ടിക്കറ്റ് ഗോപിനാഥന്‍ ആചാരിയ്‌ക്ക് കൈമാറി അയ്യായിരം രൂപ ഭാഗ്യ സമ്മാനം അടിച്ചിട്ടുണ്ടെന്ന് പറഞ്ഞു. തന്റെ പക്കലുള്ള സമ്മാനപ്പട്ടികയില്‍ നോക്കി ഗോപിനാഥന്‍ ആചാരി ഇത് സ്ഥിരീകരിച്ചു. രണ്ടായിരം രൂപയ്‌ക്ക് ലോട്ടറി ടിക്കറ്റും മൂവായിരം രൂപ പണമായും നല്‍കിയതോടെ ബൈക്ക് യാത്രികന്‍ പോയി. തിരികെ വീട്ടിലെത്തി പരിശോധിച്ചപ്പോഴാണ് ഗോപിനാഥന്‍ ആചാരിക്ക് കബളിപ്പിക്കപ്പെട്ട വിവരം ബോദ്ധ്യമായത്. നമ്പരില്‍ തിരുത്തല്‍ വരുത്തിയാണ് തട്ടിപ്പ് നടത്തിയത്.
പ്രതികരിക്കാൻ ഇവിടെ എഴുതുക: