തൊടുപുഴ: മുസ്ലിം ലീഗ് സ്വതന്ത്രയുടെയും യുഡിഎഫ് വിമതന്റെയും പിന്തുണയോടെയാണ് തൊടുപുഴ നഗരസഭയില് എല്ഡിഎഫ് അട്ടിമറി. യുഡിഎഫ് വിമതന് ചെയര്മാനായി. നഗരസഭാ 12-ാം വാര്ഡില് യുഡിഎഫ് വിമതനായി മത്സരിച്ച് ജയിച്ച സനീഷ് ജോര്ജാണ് ചെയര്മാനായത്.
പി.ജെ. ജോസഫ് വിഭാഗത്തിന്റെ ജോസഫ് ജോണിനെ ചെയര്മാനാക്കുന്നതില് യുഡി.എഫിലുണ്ടായ ഭിന്നതയാണ് അട്ടിമറിയിലേക്ക് നയിച്ചത്. ചെയര്മാന് തിരഞ്ഞെടുപ്പില് എല്ഡിഎഫിന് 14 ഉം യുഡിഎഫിന് 13 ഉം ബിജെപിയ്ക്ക് എട്ടും വോട്ടുകളാണ് ആദ്യഘട്ടത്തില് ലഭിച്ചത്. രണ്ടാം ഘട്ടത്തില് ബി.ജെ.പി തിരഞ്ഞെടുപ്പില് നിന്ന് വിട്ടുനിന്നു. ഇതെ തുടര്ന്നാണ് എല്.ഡി.എഫ് പിന്തുണയോടെ മത്സരിച്ച സനീഷ് ജോര്ജ് ഒരു വോട്ടിന്റെ ഭൂരിപക്ഷത്തില് വിജയിച്ചത്.
