തിരുവനന്തപുരം: സുഗതകുമാരി ടീച്ചര്ക്ക് ശ്രദ്ധാഞ്ജലി അര്പ്പിച്ച് സംസ്ഥാന വ്യാപകമായി വൃക്ഷത്തൈകള് നടാന് ബാലഗോകുലം സംസ്ഥാന സമിതി തീരുമാനിച്ചു.
ഞായറാഴ്ച നടക്കുന്ന ഗോകുലങ്ങളില് അനുസ്മരണത്തിനു ശേഷം കവിത ചൊല്ലി കുട്ടികള് വൃക്ഷത്തൈ നടും. ‘ഒരു തൈ നടാം നമുക്കമ്മയ്ക്കു വേണ്ടി ‘ എന്ന പേരിലാണ് പരിപാടി സംഘടിപ്പിക്കുക.
ദീര്ഘകാലം വിവിധ ചുമതലകളില് ബാലഗോകുലത്തോടൊപ്പമുണ്ടായിരുന്ന, പ്രഥമ ജന്മാഷ്ടമിപുരസ്ക്കാരം ഏറ്റുവാങ്ങിയ , ഗോകുലപാഠങ്ങളുടെ സംഗ്രഹരൂപമായി ത്രിമധുരം എന്ന വിശിഷ്ടഗ്രന്ഥം സമ്മാനിച്ച സുഗതകുമാരിയുടെ വേര്പാടില് സമിതി അനുശോചനം രേഖപ്പെടുത്തി.
ആര്. പ്രസന്നകുമാര്, കെ.എന്.സജികുമാര്, എ. രഞ്ജു കുമാർ,അജയകുമാര് റ്റി .എസ്, പി.കെ. വിജയരാഘവന്, ഡി. നാരായണശര്മ്മ, വി.ഹരികുമാര്, കുഞ്ഞമ്പു മേലേത്ത് എന്നിവര് സംസാരിച്ചു.
