മാഡ്രിഡ്: നിലവിലെ ചാമ്പ്യന്മാരായ റയല്‍ മാഡ്രിഡിന് ലാ ലിഗയില്‍ തുടര്‍ച്ചയായ ആറാം വിജയം. ഗ്രാനഡയെ മടക്കമില്ലാത്ത രണ്ട് ഗോളുകള്‍ക്ക് പരാജയപ്പെടുത്തി. കസീമിറോയും കരീം ബെന്‍സേമയുമാണ് ഗോളുകള്‍ നേടിയത്.
ഈ വിജയത്തോടെ റയല്‍ മാഡ്രിഡിന് ഒന്നാം സ്ഥാനത്തുള്ള അത്‌ലറ്റിക്കോ മാഡ്രിഡിനൊപ്പം മുപ്പത്തിരണ്ട് പോയിന്റായി. എന്നാല്‍ ഗോള്‍ ശരാശരിയില്‍ മുന്നിലുള്ള അത്‌ലറ്റിക്കോ മാഡ്രിഡിനാണ് ഒന്നാം സ്ഥാനം. അവര്‍ക്ക് പതിമൂന്ന് മത്സരങ്ങളില്‍ നിന്നാണ് പതിനഞ്ച് പോയിന്റ് നേടിയത്. റയല്‍ പതിനഞ്ച് മത്സരങ്ങളില്‍ നിന്നാണ് ഇത്രയും പോയിന്റ് നേടിയത്.
മറ്റ് മത്സരങ്ങളില്‍ ഡിപോര്‍ട്ടിവോ അലാവസും റയല്‍ ബെറ്റിസും വിജയം നേടി. അലാവസ് ഒന്നിനെതിരെ രണ്ട് ഗോളുകള്‍ക്ക് ഐബറിനെ തോല്‍പ്പിച്ചു. റിയല്‍ ബെറ്റിസ് ഏകപക്ഷീയമായ ഒരു ഗോളിന് കാഡിസിനെ മറികടന്നു. ഗറ്റാഫെയും സെല്‍റ്റ വിഗോയും തമ്മിലുള്ള മത്സരം സമനിലയായി. ഇരു ടീമുകളും ഓരോ ഗോള്‍ വീതം നേടി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: