ബേണ്‍ലി: ഇംഗ്ലീഷ് പ്രീമിയര്‍ ലീഗില്‍ അപൂര്‍വ കുതിപ്പ് തുടര്‍ന്ന് ബേണ്‍ലി. വോള്‍വ്‌സിനെ ഒന്നിനെതിരെ രണ്ട് ഗോളുകള്‍ക്ക് തകര്‍ത്തു. ആഷ്‌ലി ബേണ്‍സ്, ക്രിസ് വുഡ് എന്നിവര്‍ ബേണ്‍ലിക്കായി വല കുലുക്കി. 35, 51 മിനിറ്റുകളിലായിരുന്നു ഗോളുകള്‍. 89ാം മിനിറ്റില്‍ ലഭിച്ച പെനാല്‍റ്റിയിലൂടെ വോള്‍വ്‌സ് ആശ്വാസ ഗോള്‍ നേടി. ഫാബിയോ സില്‍വയാണ് വോള്‍വ്‌സിനായി ഗോള്‍ നേടിയത്.
ഇതിനിടെ റഫറിക്കെതിരെ രൂക്ഷ വിമര്‍ശനവുമായി വോള്‍വ്‌സ് പരിശീലകന്‍ രംഗത്തെത്തി. ലീ മെയ്‌സണ്‍ എന്ന റഫറിക്ക് ഇംഗ്ലീഷ് പ്രീമിയര്‍ ലീഗില്‍ കളി നിയന്ത്രിക്കാന്‍ യോഗ്യതയില്ലെന്ന് പുരസ്‌കാര ദാന ചടങ്ങില്‍ തുറന്നടിച്ചു.
പലപ്പോഴും കളി മുന്നോട്ടുകൊണ്ടുപോകുന്നതില്‍ റഫറിക്ക് പിഴവ് പറ്റിയെന്നും കളി നിയന്ത്രിക്കാന്‍ അറിയില്ലെന്നും പരിശീലകന്‍ പറഞ്ഞു. നിലവില്‍ പോയിന്റ് പട്ടികയില്‍ 16ാം സ്ഥാനത്താണ് ബേണ്‍ലി. 14 മത്സരങ്ങള്‍ കളിച്ച വോള്‍വ്‌സ് പതിനൊന്നാം സ്ഥാനത്താണ്.
പ്രതികരിക്കാൻ ഇവിടെ എഴുതുക: