മാഡ്രിഡ്: ചാമ്പ്യന്സ് ലീഗില് മരണമുഖത്തു നിന്ന് പിടിച്ചുകയറി റയല് മാഡ്രിഡ്. ഫ്രഞ്ച് താരം കരീം ബെന്സേമയുടെ ഇരട്ട ഗോള് മികവില് ബൊറൂസിയ ഗ്ലാഡ്ബാക്കിനെ കീഴടക്കി. എതിരില്ലാത്ത രണ്ട് ഗോളുകള്ക്കായിരുന്നു റയലിന്റെ ജയം. ഇതോടെ ചാമ്പ്യന്സ് ലീഗില് റയല് പ്രീ ക്വാര്ട്ടര് ഉറപ്പിച്ചു.
തോല്വിയോ സമനിലയോ പുറത്താക്കുമെന്ന ഭീഷണിയിലാണ് സ്പാനിഷ് വമ്പന്മാരായ റയല് മാഡ്രിഡ് ഇന്നലെ കളത്തിലിറങ്ങിയത്. എന്നാല് സിനദിന് സിദാന്റെ തന്ത്രങ്ങള് കളത്തില് പ്രായോഗികമായതോടെ അനായാസ വിജയത്തിലേക്ക് റയല് കടന്നു.
ആദ്യ മിനിറ്റ് മുതല് അവസാന മിനിറ്റ് വരെ റയല് നിലവാരം പുലര്ത്തിയെന്ന് മത്സര ശേഷം സിദാന് പറഞ്ഞു. മത്സരം തോറ്റെങ്കിലും ഗ്ലാഡ്ബാക്കും അടുത്ത റൗണ്ടിലേക്ക് യോഗ്യത നേടി.
