ഇടുക്കി: പെരിയാര് കടുവാ സങ്കേതത്തിനുള്ളിലെ പച്ചക്കാനം ബൂത്തില് ഇത്തവണ വോട്ട് ചെയ്തത് 9 പേര്. സാധാരണയായി 4-5 പേര് വരെയാണ് ഇവിടെ വോട്ട് ചെയ്യാറുള്ളത്.
കേരളത്തിലെ തന്നെ ഏറ്റവും വലിയ പഞ്ചായത്ത് വാര്ഡായ തേക്കടിയുടെ ഭാഗമായ ഇവിടെ 37 വോട്ടര്മാരാണ് ആകെ ഉള്ളത്. ഉച്ചവരെ 3 പേരും ശേഷം 6 പേരും വോട്ട് ചെയ്യാനെത്തുകയായിരുന്നു.
കുമളി പഞ്ചായത്തിലെ തേക്കടി വാര്ഡില് മൊത്തം 830 വോട്ടര്മാരാണുള്ളത്. ഇതില് 590 പേര് തേക്കടിക്കടുത്തുള്ള മന്നാക്കുടി വനവാസി കോളനിയില് നിന്നുള്ള വോട്ടര്മാരാണ്. കുമൡയില് നിന്ന് പച്ചക്കാനത്തെത്താന് 35 കിലോ മീറ്ററോളം വനത്തിനുള്ളിലൂടെ യാത്ര ചെയ്യണം.
മുല്ലപ്പെരിയാര് ഡാമും തേക്കടി ബോട്ട് ലാന്റിങ്ങും മംഗളാദേവി ക്ഷേത്രവും ഉള്പ്പെടുന്നതാണ് തേക്കടി വാര്ഡ്. ലോക്സഭാ തെരഞ്ഞെടുപ്പില് 28 വോട്ടര്മാര്ക്കായിരുന്നു ഇവിടെ സമ്മതിദാനാവകാശം ഉണ്ടായിരുന്നത്. ഇതില് നാലുപേര് മാത്രമാണ് വോട്ട് ചെയ്തത്.
ജന്മഭൂമി ഓണ്ലൈന്