കൊച്ചി: പ്രളയദുരിതബാധിതരെ സഹായിക്കാനായി വി.ഡി. സതീശന്‍ എംഎല്‍എയുടെ നേതൃത്വത്തില്‍ പുനര്‍ജനിയെന്ന പേരില്‍ രൂപം നല്‍കിയ സൊസൈറ്റിക്കു വേണ്ടി ഇംഗ്ലണ്ടില്‍ നിന്ന് പണപ്പിരിവു നടത്തിയ സംഭവം സിബിഐ അന്വേഷിക്കണമെന്നാവശ്യപ്പെട്ട് എറണാകുളം സ്വദേശി ജയ്‌സണ്‍ പാനിക്കുളങ്ങര ഹൈക്കോടതിയില്‍ പൊതുതാല്പര്യ ഹര്‍ജി നല്‍കി.
നേരത്തെ സമാന ആവശ്യം ഉന്നയിച്ചു നല്‍കിയ ഹര്‍ജി പൊതുതാല്പര്യ ഹര്‍ജിയായി പരിഗണിക്കേണ്ട വിഷയമാണെന്ന് സിംഗിള്‍ ബെഞ്ച് ചൂണ്ടിക്കാട്ടിയിരുന്നു. ഈ സാഹചര്യത്തിലാണ് പുതിയ ഹര്‍ജി നല്‍കിയിരിക്കുന്നത്. സിബിഐ അന്വേഷിക്കണമെന്നാണ് ഹര്‍ജിയിലെ ആവശ്യം. ചീഫ് ജസ്റ്റീസ് എസ്. മണികുമാര്‍ ഉള്‍പ്പെട്ട ഡിവിഷന്‍ ബെഞ്ചില്‍ അടുത്ത ദിവസം ഹര്‍ജി പരിഗണിച്ചേക്കും.
പ്രതികരിക്കാൻ ഇവിടെ എഴുതുക: