തൊടുപുഴ: അഭിമാനപൂര്വ്വം ജനങ്ങള്ക്കിടയില് വോട്ട് ചോദിക്കാവുന്ന ഏക രാഷ്ട്രീയ പാര്ട്ടി എന്ഡിഎ മാത്രമാണെന്ന് സഖ്യം കണ്വീനറും ബിഡിജെഎസ് സംസ്ഥാന പ്രസിഡന്റുമായ തുഷാര് വെള്ളാപ്പള്ളി പറഞ്ഞു. എന്ഡിഎ ജില്ലാ സ്ഥാനാര്ത്ഥി സംഗമവും തെരഞ്ഞെടുപ്പ് കണ്വെന്ഷനും തൊടുപുഴയില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ത്രിതല പഞ്ചായത്ത് തെരഞ്ഞെടുപ്പില് ഏറ്റവും കൂടുതല് സ്ഥാനാര്ത്ഥികളെ നിര്ത്തി കൊണ്ട് നരേന്ദ്ര മോദി സര്ക്കാരിന്റെ വികസന നയങ്ങള് അക്കമിട്ട് പറഞ്ഞാണ് എന്ഡിഎ മത്സര രംഗത്തുള്ളതെന്നും ഇടത്-വലത് ഒത്തുതീര്പ്പ് രാഷ്ട്രീയത്തിന് എന്ഡിഎ തിരിച്ചടിയാകുമെന്നും അദ്ദേഹം പറഞ്ഞു.
ബിഡിജെഎസ് ജില്ലാ പ്രസിഡന്റ് വി. ജയേഷ് അദ്ധ്യക്ഷനായ യോഗത്തില് എന്ഡിഎ ജില്ലാ ചെയര്മാന് കെ.എസ്. അജി, ബിഡിജെഎസ് സംസ്ഥാന സെക്രട്ടറി പി. രാജന്, ജില്ലാ വൈസ് പ്രസിഡന്റുമാരായ ഡോ. കെ. സോമന്, അഡ്വ. പ്രതീഷ് പ്രഭ, ഷാജി കല്ലാറയില്, രമേശ് കല്ലാര്, ബിഡിജെഎസ് ജില്ലാ സെക്രട്ടറി രാജേന്ദ്രലാല് ദത്ത്, മനേഷ് കുടിക്കയത്ത് എന്നിവര് സംസാരിച്ചു.
