തൊടുപുഴ: എന്‍ഡിഎയുടെ തൊടുപുഴ നഗരസഭയുടെ വികസനരേഖ ബിജെപി ഇടുക്കി ജില്ലാ അധ്യക്ഷന്‍ കെ.എസ്. അജി പ്രകാശനം ചെയ്തു.
ഇടത്-വലത് മുന്നണികള്‍ മാറി മാറി നമ്മുടെ നഗരസഭയും സംസ്ഥാനവും ഭരിച്ചിട്ടും നഗരസഭയ്‌ക്കുള്ളില്‍ യാതൊരു വിധ വികസനവും നടപ്പിലാക്കാന്‍ കഴിഞ്ഞിട്ടില്ല. ഈ സാഹചര്യത്തിലാണ് എന്‍ഡിഎയുടെ നേതൃത്വത്തില്‍ വരുന്ന അഞ്ച് വര്‍ഷത്തേയ്‌ക്കുള്ള വികസന കാഴ്‌ച്ചപ്പാടുകള്‍ മുന്നോട്ട് വെയ്‌ക്കാന്‍ തയ്യാറായതെന്ന് അദ്ദേഹം പറഞ്ഞു.
ഇക്കുറി തൊടുപുഴ മുന്‍സിപ്പാലിറ്റിയുടെ ഭരണം പിടിച്ചെടുക്കുമെന്നും അദ്ദേഹം പറഞ്ഞു. ബിജെപി മുന്‍സിപ്പല്‍ പ്രസിഡന്റ് ജിതേഷ് സി, ജനറല്‍ സെക്രട്ടറി അനൂപ് പാങ്കാവില്‍, വൈസ് പ്രസിഡന്റ് പി.എസ്. രാജേഷ്, ജില്ലാ സെക്രട്ടറി ടി.എച്ച്. കൃഷ്ണകുമാര്‍, ജില്ലാ മീഡിയ സെല്‍ കണ്‍വീനര്‍ സനല്‍ പുരുഷോത്തമന്‍ എന്നിവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: