ന്യൂദല്‍ഹി : മുംബൈ ഭീകരാക്രമണത്തില്‍ ജീവന്‍ നഷ്ടമായ എല്ലാവര്‍ക്കും ആദരവര്‍പ്പിക്കുന്നു. വീരമൃത്യൂ വരിച്ചവരുടെ കുടുംബാംഗങ്ങളുടെ ദുഃഖത്തില്‍ പങ്ക് ചേരുന്നതായും കേന്ദ്ര ആഭ്യന്തരമന്ത്രി അമിത്ഷാ. മുംബൈ ഭീകരാക്രമണത്തില്‍ വീരമൃത്യൂ വരിച്ച സൈനികര്‍ക്ക് ആദരവ് അര്‍പ്പിച്ചുകൊണ്ടുള്ള ട്വീറ്റിലാണ് ഇ്ക്കാര്യംഅറിയിച്ചത്.
നിങ്ങളുടെ ജീവത്യാഗം രാജ്യം എല്ലായ്പ്പോഴും ഓര്‍ക്കും. നിങ്ങളുടെ ധീരതയിലും, ജീവത്യാഗത്തിലും രാജ്യം എന്നും നിങ്ങളോട് കടപ്പെട്ടിരിക്കുന്നു. മുംബൈയില്‍ ഭീകരരെ നേരിട്ടതിനെ തുടര്‍ന്ന് ജീവന്‍ നഷ്ടമായ ധീര സൈനികര്‍ക്ക് പ്രത്യേകം ആദരവര്‍പ്പിക്കുന്നു. എന്നായിരുന്നു അമിത്ഷായുടെ ട്വീറ്റ്.
മുംബൈ വീരമൃത്യു വരിച്ച സൈനികര്‍ക്ക് കേന്ദ്രമന്ത്രി രവിശങ്കര്‍ പ്രസാദും ആദരവര്‍പ്പിച്ചിട്ടുണ്ട്. മുംബൈ ഭീകരാക്രമണത്തില്‍ രാജ്യത്തിനായി ഭീകരര്‍ക്കെതിരെ പോരാടിയ സൈനികരുടെ ധീരതയ്‌ക്കു മുന്‍പില്‍ പ്രണമിക്കുന്നു. ഏറ്റുമുട്ടലില്‍ വീരമൃത്യുവരിച്ച സൈനികര്‍ക്ക് ആദരാജ്ഞലികള്‍ അര്‍പ്പിക്കുന്നുവെന്നാണ് കേന്ദ്രമന്ത്രി അറിയിച്ചത്.
പ്രതികരിക്കാൻ ഇവിടെ എഴുതുക: