ചെറുതോണി: ബിജെപി വാഴത്തോപ്പ് പഞ്ചായത്തില് എന്ഡിഎ സ്ഥാനാര്ത്ഥികളുടെ പ്രചാരണത്തിന് തുടക്കമായി. കൊലുമ്പന് സമാധിയില് പൂജ നിര്വ്വഹിച്ച ശേഷമാണ് പ്രചാരണങ്ങള് ആരംഭിച്ചത്. വാഴത്തോപ്പ് പഞ്ചായത്തില് ജനവിധി തേടുന്ന സ്ഥാനാര്ത്ഥികളാണ് കൊലുമ്പന് സമാധിയില് അനുഗ്രഹം തേടി എത്തിയത്. കൊലുമ്പന്റെ കൊച്ചുമകനും ഊരുമൂപ്പനുമായ തേനന് ഭാസ്കരന് പൂജാ കര്മ്മങ്ങള്ക്ക് നേതൃത്വം നല്കി.
തേനന് ഭാസ്കരനില് നിന്ന് അനുഗ്രഹം വാങ്ങിയ ശേഷം സ്ഥാനാര്ത്ഥികള് പ്രചാരണമാരംഭിച്ചു. എന്ഡിഎ പഞ്ചായത്തില് അധികാരത്തിലെത്തിയാല് പഞ്ചായത്തിന്റെയും കൊലുമ്പന് സമാധിയുടെയും വികസന പ്രവര്ത്തനങ്ങള്ക്ക് കേന്ദ്ര ഫണ്ട് കൊണ്ടുവരുമെന്ന് ഇടുക്കി ബ്ലോക്ക് പഞ്ചായത്ത് പൈനാവ് ഡിവിഷന് സ്ഥാനാര്ത്ഥി സുരേഷ് എസ്. മീനത്തേരില് പറഞ്ഞു. ജില്ലാ പഞ്ചായത്തിലേക്ക് പൈനാവ് ഡിവിഷനില് നിന്നും മത്സരിക്കുന്ന ഷീനാ മോള് വി.ടി, ബ്ലോക്ക് പഞ്ചായത്ത് വാഴത്തോപ്പ് ഡിവിഷന് സ്ഥാനാര്ത്ഥി സൗമ്യ സുബാഷ്, വാഴത്തോപ്പ് പഞ്ചായത്തിലെ 13 വാര്ഡുകളെയും പ്രതിനിധീകരിക്കുന്ന സ്ഥാനാര്ത്ഥികളായ രമ്യാ ജയചന്ദ്രന്, അഭിലാഷ് പാറത്താഴത്ത്, സുധന്, സല്മോള് അജി, ആതിര ബിബിന്, ബിനു ടി.പി, അമ്പിളി ബിനു, മേരി മത്തായി, കുട്ടിയമ്മ മോഹനന്, സ്മിത അജിത്, ചന്ദ്രന് വി.കെ, കെ.കെ. സുരേന്ദ്രന്, പാറയില്, മഞ്ചു അനില് തുടങ്ങിയവര് പൂജയില് പങ്കെടുത്തു.
