ബ്യൂനസ് ഐറിസ്: മുന്‍ അര്‍ജന്റീനിയന്‍ ഫുട്‌ബോളര്‍ ജാവിയര്‍ മഷറാനോ വിരമിച്ചു. പതിനേഴ് വര്‍ഷം നീണ്ട തിളക്കമാര്‍ന്ന കരിയറിനാണ് തിരശീല വീഴുന്നത്.
മഷറാനോയുടെ ടീമായ എസ്റ്റൂഡിയന്റ്‌സ് ഞായറാഴ്ച സൂപ്പര്‍ ലീഗയില്‍ അര്‍ജന്റീനിയോസ് ജൂണിയേഴ്‌സിനോട് ഏകപക്ഷീയമായ ഒരു ഗോളിന് തോറ്റതിനെ തുടര്‍ന്നാണ് വിരമിക്കല്‍ പ്രഖ്യാപിച്ചത്.
അര്‍ജന്റീനയ്‌ക്കായി ഏറ്റവും കൂടുതല്‍ മത്സരങ്ങള്‍ കളിച്ച താരമാണ്. 148 മത്സരങ്ങളില്‍ ദേശീയ ടീമിനായി ബൂട്ടുകെട്ടി.
മുപ്പത്തിയാറുകാരനായ ഈ സെന്റര്‍ ബാക്ക് 2003ല്‍ റിവര്‍ പ്ലേറ്റിലാണ് കരിയര്‍ തുടങ്ങിയത്. വെസ്റ്റ് ഹാം യുണൈറ്റഡ്, ലിവര്‍പൂള്‍, ബാഴ്‌സലോണ എന്നീ ടീമുകള്‍ക്കായും കളിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: