ലൂവെന്‍: ലോക ഒന്നാം നമ്പര്‍ ബെല്‍ജിയം യുവേഫ നേഷന്‍സ് ലീഗില്‍ അനായാസം ഇംഗ്ലണ്ടിനെ മറികടന്നു. ഏകപക്ഷീയമായ രണ്ട് ഗോളുകള്‍ക്കാണ് ബെല്‍ജിയം ജയിച്ചുകയറിയത്.
യൂറി ടെലമന്‍സും ഡ്രൈസ് മെര്‍ട്ടന്‍സുമാണ് ഗോളുകള്‍ നേടിയത്. ഈ വിജയത്തോടെ ഗ്രൂപ്പ് എ രണ്ടില്‍ അവര്‍ ഒന്നാം സ്ഥാനത്തെത്തി.നേഷന്‍സ് ലീഗ് ഫൈനല്‍സില്‍ സ്ഥാനം നേടാന്‍ ഇംഗ്ലണ്ടിന് ഈ മത്സരത്തില്‍ വിജയം അനിവാര്യമായിരുന്നു.എന്നാല്‍ തുടക്കത്തില്‍ തന്നെ ബെല്‍ജിയം ഗോള്‍ നേടിയതോടെ ഇംഗ്ലണ്ട് പിന്നാക്കം പോയി. പത്താം മിനിറ്റില്‍ ടെലമന്‍സ് ബെല്‍ജിയത്തെ മുന്നിലെത്തിച്ചു.
ഇരുപത്തിമൂന്ന് മിനിറ്റുകള്‍ക്ക് ശേഷം മെര്‍ട്ടന്‍സും ലക്ഷ്യം കണ്ടതോടെ ഇടവേളയ്‌ക്ക് മുമ്പ് ബെല്‍ജിയം 2-0 ന് മുന്നിലെത്തി. ഫ്രീ കിക്കിലൂടെയാണ് മെര്‍ട്ടന്‍സ് സ്‌കോര്‍ ചെയ്തത്. രണ്ടാം പകുതിയിലും ബെല്‍ജിയം തകര്‍ത്തുകളിച്ചു. പക്ഷെ ഗോള്‍ നേടാനായില്ല.
പ്രതികരിക്കാൻ ഇവിടെ എഴുതുക: