നെടുങ്കണ്ടം: പാമ്പാടുംപാറയില്‍ നാട്ടുകാരുടെ പ്രതിഷേധം ശക്തമായതിനെ തുടര്‍ന്ന് ഡിവൈഎഫ്ഐ നേതാവ് പഞ്ചായത്ത് തെരഞ്ഞെടുപ്പില്‍ നിന്ന് പിന്മാറി. പാമ്പാടുപാറ 6-ാം വാര്‍ഡിലാണ് സംഭവം. ദിവസങ്ങള്‍ക്ക് മുമ്പെ സ്ഥാനാര്‍ത്ഥിത്യം ഉറപ്പിച്ച് പോസ്റ്റര്‍ ഉള്‍പ്പെടെ തയ്യാറാക്കി മത്സര രംഗത്തെത്തിയിരുന്നു. ഇത് സംബന്ധിച്ച സമൂഹ മാധ്യമങ്ങളിലും പ്രചരണം നടന്നു.
വീടുകയറുന്നതിനിടെ ആളുകള്‍ നിന്നും സിപിഎമ്മിനെതിരെ ശക്തമായ പ്രതിഷേധം ഉയര്‍ത്തി. ഇതോടെ പാര്‍ട്ടിയെ കാര്യം ധരിപ്പിച്ച് തെരഞ്ഞെടുപ്പില്‍ നിന്ന് നേതാവ് പിന്‍മാറുകയായിരുന്നു. ഡിവൈഎഫ്ഐ നേതാവ് രമേഷ് കൃഷ്ണന്‍ ആണ് തെരഞ്ഞെടുപ്പില്‍ നിന്നും പാര്‍ട്ടി നിര്‍ദ്ദേശത്തോടെ പിന്മാറിയത്. പാമ്പാടുംപാറയില്‍ എന്‍ഡിഎ സഖ്യം ശക്തമായതിനാലും ജനരോക്ഷം ശക്തമായതിനാലുമാണ് തലയൂരിയതെന്നാണ് ലഭിക്കുന്ന വിവരം. കഴിഞ്ഞ തവണ ബിജെപി വിജയിച്ച വാര്‍ഡ് കൂടിയാണിത്.
പ്രതികരിക്കാൻ ഇവിടെ എഴുതുക: