മുംബൈ: രാഹുല്‍ ഗാന്ധിയെ പരിഹസിച്ചുകൊണ്ടുള്ള മുന്‍ അമേരിക്കന്‍ പ്രസിഡന്റ് ബരാക്ക് ഒബാമയുടെ പ്രസ്താവനയ്‌ക്ക് മറുപടിയുമായി ശിവസേന. ട്രംമ്പിന് ഭ്രാന്താണെന്ന് തങ്ങള്‍ പറയില്ല, ഒബാമയ്‌ക്ക് നേതാവിനെ കുറിച്ച് ഒന്നും അറിയില്ലായെന്നും ശിവസേന മുതിര്‍ന്ന നേതാവ് സഞ്ജയ് റാവത്ത് പറഞ്ഞു. തങ്ങളുടെ നേതാവിനെ അമേരിക്കന്‍ മുന്‍ പ്രസിഡന്റ് വിമര്‍ശിച്ചിട്ടും മറുപടി നല്‍കാന്‍ കോണ്‍ഗ്രസ് വിമുഖത കാണിക്കുമ്പോഴാണ് രാഹുലിന് പൂര്‍ണ പിന്തുണയുമായി ശിവസേന രംഗത്തു വന്നിരിക്കുന്നത്.
‘എ പ്രോമിസ്ഡ് ലാന്‍ഡ്’ എന്ന പുസ്തകത്തില്‍ രാഹുല്‍ ഗാന്ധിയെ പരിഹസിച്ചുകൊണ്ട് ഒബാമയുടെ എഴുതിയിരുന്നു. വിഷയത്തെ പറ്റി ഗ്രഹ്യമില്ലാത്ത അധ്യാപകന്‍ വിദ്യര്‍ഥികള്‍ക്കു മുന്നില്‍ എത്തിയ പോലയാണ് രാഹുല്‍ പെരുമാറുന്നത് എന്നായിരുന്നു തന്റെ രാഷ്‌ട്രീയ സംബന്ധമായ ഓര്‍മക്കുറിപ്പില്‍ ഒബാമ കോണ്‍ഗ്രസ് മുന്‍ അധ്യക്ഷനെ പരിഹസിച്ചത്. ഒബാമയുടെ വ്യക്തി പരമായ പരാമര്‍ശങ്ങള്‍ക്ക് മറുപടി നല്‍കേണ്ടതില്ലായെന്നതാണ് കോണ്‍ഗ്രസ് നിലപാട്.
രാഹുല്‍ ഗാന്ധിയെ കൂടാതെ മന്‍മോഹന്‍ സിങ്, ജോ ബൈഡന്‍, റഷ്യന്‍ ഫെഡറേഷന്‍ പ്രസിഡന്റ് വഌദിമിര്‍ പുടിന്‍ എന്നിവരെക്കുറിച്ചും അമേരിക്കന്‍ പ്രസിഡന്റ് ആയിരുന്ന കാലത്ത് തനിക്കുണ്ടായ അനുഭവങ്ങളെ പരാമര്‍ശിച്ചുകൊണ്ട് ഒബാമ പുസ്തകത്തില്‍ എഴുതിരിക്കുന്നു.
പ്രതികരിക്കാൻ ഇവിടെ എഴുതുക: