സാവോപോളോ: ലോകകപ്പ് യോഗ്യതാ മത്സരത്തിന് തയ്യാറെടുക്കുന്ന മുന്‍ ലോക ചാമ്പ്യന്മാരായ ബ്രസീലിനും അര്ജന്റീനയ്ക്കും തിരിച്ചടി. പ്രമുഖ കളിക്കാരുടെ പരിക്കാണ് ബ്രസീലിനും അര്ജന്റീനയ്ക്കും തിരിച്ചടിയായത്.
ബ്രസീലിന്റെ ഫിലിപ്പ് കുടിഞ്ഞോ, നെയ്മര്‍ എന്നിവര്‍ പരിക്കിന്റെ പിടിയിലാണ്. വെനേസ്വേലയ്‌ക്കെതിരായ മത്സരത്തില്‍ നെയ്മറും കുടിഞ്ഞോയും കളിക്കില്ല. ചൊവ്വാഴ്ച ഉറുഗ്വെക്കെതിരായ മത്സരത്തില്‍ നെയ്മര്‍ കളിക്കാന്‍ സാധ്യതയുണ്ട്. ബ്രസീല്‍ ടീമിലെ മറ്റ് താരങ്ങളായ റോഡ്രിഗോ, കസീമിറോ, അലിസണ്‍, ഫാബിനോ എന്നിവരെയും പരിക്ക് അലട്ടുന്നുണ്ട്.
അര്‍ജന്റീനയുടെ പാവ്‌ലോ ഡിബാല, സെര്‍ജിയോ അഗ്യൂറോ എന്നിവര്‍ പരാഗ്വെക്കെതിരായ ലോകകപ്പ് യോഗ്യതാ മത്സരത്തില്‍ കളിക്കില്ല. അഗ്യൂറോയ്‌ക്ക് പരിക്കാണ് പ്രശ്‌നം. മൂത്രാശയത്തിലെ അണുബാധയെ തുടര്‍ന്നാണ് ഡിബാലയുടെ പിന്മാറ്റം.
പ്രതികരിക്കാൻ ഇവിടെ എഴുതുക: