കൊച്ചി: യൂട്യൂബറെ മര്ദ്ദിച്ച കേസില് ഭാഗ്യലക്ഷ്മിക്കും കൂട്ട് പ്രതികള്ക്കും ഹൈക്കോടതി മുന്കൂര് ഡജാമ്യം. കര്ശ്ശന ഉപാധികളോടെയാണ് മുന്കൂര് ജാമ്യം അനുവദിച്ചിരിക്കുന്നത്.
വഞ്ചിയൂര് പോലീസാണ് കേസെടുത്തിരുന്നത്. അതേസമയം നിയമം കൈയ്യിലെടുക്കുമ്പോള് അതിന്റെ പ്രത്യാഘാതം അനുഭവിക്കാന് തയ്യാറാകണം എന്ന് കോടതി ഹര്ജി പരിഗണിക്കവേ പരാമര്ശിച്ചു. കൂടാതെ ഭാഗ്യലക്ഷ്മി അടക്കമുള്ളവരുടെ നടപടിയെ ഹൈക്കോടതി രൂക്ഷമായി വിമര്ശിക്കുകയും ചെയ്തു. എന്നാല് വിജയ് പി. നായരുടെ മുറിയില് അതിക്രമിച്ച് കയറിയിട്ടില്ലെന്നും മോഷണം നടത്തിയിട്ടില്ലെന്നും ആണ് ഭാഗ്യലക്ഷ്മിയും ഒപ്പമുണ്ടായിരുന്നവരും വാദിച്ചു.
ഭാഗ്യലക്ഷ്മിയുടേയും മറ്റു പ്രതികളുടെയും മുന്കൂര് ജാമ്യാപേക്ഷയെ എതിര്ത്തു വിജയ് പി നായരും ഹൈക്കോടതിയില് ഹര്ജി നല്കിയിരുന്നു.മുറിയില് അതിക്രമിച്ച് കയറി സാധനങ്ങള് മോഷ്ടിക്കുകയും മര്ദ്ദിക്കുകയും ചെയ്ത പ്രതികള്ക്ക് മുന്കൂര് ജാമ്യം നല്കിയാല് അത് തെറ്റായ സന്ദേശം നല്കുമെന്നായിരുന്നു വിജയ് പി നായരുടെ ഹര്ജിയില് പറഞ്ഞിരുന്നത്.
