മാഡ്രിഡ്: സ്പാനിഷ് ലീഗില്‍ മുന്‍ ചാമ്പ്യന്മാരായ ബാഴ്‌സലോണ രണ്ടിനെതിരെ അഞ്ചു ഗോളുകള്‍ക്ക് റയല്‍ ബെറ്റിസിനെ തോല്‍പ്പിച്ചു. മെസിയുടെ ഇരട്ട ഗോളാണ് ബാഴ്‌സയ്‌ക്ക് വിജയമൊരുക്കിയത്. ഡെംബെലേ, ഗ്രീസ്മാന്‍, പെഡ്രി എന്നിവര്‍ ഓരോ ഗോള്‍ നേടി.
മറ്റൊരു മത്സരത്തില്‍ അത്‌ലറ്റിക്കോ മാഡ്രിഡിന് തകര്‍പ്പന്‍ വിജയം. എതിരില്ലാത്ത നാലു ഗോളുകള്‍ക്ക് കാഡിസിനെ തോല്‍പ്പിച്ചു. ജാവോ ഫെലിക്‌സിന്റെ ഇരട്ട ഗോളാണ് അത്‌ലറ്റിക്കോയ്‌ക്ക് വിജയം നേടിക്കൊടുത്തത്.
എട്ടാം മിനിറ്റില്‍ അത്‌ലറ്റിക്കോയുടെ ആദ്യ ഗോള്‍ നേടിയ ഫെലിക്‌സ് 90-ാം മിനിറ്റില്‍ ടീമിന്റെ അവസാന ഗോളും കുറിച്ചു. ലോറന്റെ, ലൂയി സുവാരസ് എന്നിവര്‍ ഓരോ ഗോള്‍ നേടി. ഈ വിജയത്തോടെ ഏഴു മത്സരങ്ങളില്‍ പതിനേഴ് പോയിന്റുമായി അത്്‌ലറ്റിക്കോ മാഡ്രിഡ് മുന്നിലെത്തി. റയല്‍ സോസിഡാഡാണ് രണ്ടാം സ്ഥാനത്ത്.
പ്രതികരിക്കാൻ ഇവിടെ എഴുതുക: