കണ്ണൂര്‍: ജില്ലയില്‍ ഇന്നലെ 329 പേര്‍ക്ക് കൊവിഡ് ബാധ സ്ഥിരീകരിച്ചു. 310 പേര്‍ക്ക് സമ്പര്‍ക്കം മൂലമാണ് രോഗബാധ. 10 പേര്‍ ഇതര സംസ്ഥാനങ്ങളില്‍ നിന്ന് എത്തിയവരും മൂന്ന് പേര്‍ വിദേശത്ത് നിന്നെത്തിയവരും ആറ് പേര്‍ ആരോഗ്യ പ്രവര്‍ത്തകരുമാണ്. ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 26342 ആയി. ഇവരില്‍ 554 പേര്‍ ഇന്ന് രോഗമുക്തി നേടി. അതോടെ ഇതിനകം രോഗം ഭേദമായവരുടെ എണ്ണം 21377 ആയി. 111 പേര്‍ കൊവിഡ് മൂലം മരണപ്പെട്ടു. ബാക്കി 4337 പേര്‍ ചികില്‍സയിലാണ്.
ജില്ലയില്‍ നിലവിലുള്ള കൊവിഡ് പോസിറ്റീവ് കേസുകളില്‍ 3728 പേര്‍ വീടുകളിലും ബാക്കി 756 പേര്‍ വിവിധ ആശുപത്രികളിലും സിഎഫ്എല്‍ടിസികളിലുമായാണ് ചികില്‍സയില്‍ കഴിയുന്നത്. കൊവിഡ് 19മായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 20232 പേരാണ്. ഇതില്‍ 19345 പേര്‍ വീടുകളിലും 887 പേര്‍ ആശുപത്രികളിലുമാണ് നിരീക്ഷണത്തില്‍ കഴിയുന്നത്.
ജില്ലയില്‍ നിന്ന് ഇതുവരെ 226268 സാംപിളുകള്‍ പരിശോധനയ്‌ക്ക് അയച്ചതില്‍ 226060 എണ്ണത്തിന്റെ ഫലം വന്നു. 208 എണ്ണത്തിന്റെ ഫലം ലഭിക്കാനുണ്ട്. ജില്ലയില്‍ പുതുതായി പ്രഖ്യാപിച്ച കണ്ടെയിന്‍മെന്റ് സോണുകള്‍ ആലക്കോട് 3,21, അഞ്ചരക്കണ്ടി 1, ആന്തൂര്‍ നഗരസഭ 6,7, അഴീക്കോട് 18, ചപ്പാരപ്പടവ് 9, ചെറുകുന്ന് 7, ചെറുപുഴ 17, ചൊക്ലി 8, എരമം കുറ്റൂര്‍ 11, എരുവേശ്ശി 12,13, ഇരിട്ടി നഗരസഭ 20, കതിരൂര്‍ 18, കല്ല്യാശ്ശേരി 6,16, കാങ്കോല്‍ ആലപ്പടമ്പ 5, കണ്ണപുരം 1, കണ്ണൂര്‍ കോര്‍പ്പറേഷന്‍ 18, കരിവെള്ളൂര്‍ പെരളം 8,9, കൊളച്ചേരി 4, കോളയാട് 11, കുന്നോത്തുപറമ്പ് 2, കുറുമാത്തൂര്‍ 1,2, കുറ്റിയാട്ടൂര്‍ 5,11, മാലൂര്‍ 14, മാട്ടൂല്‍ 8,11, മയ്യില്‍ 8, മുണ്ടേരി 5,11,12, നടുവില്‍ 19, പടിയൂര്‍ കല്ല്യാട് 8, പാപ്പിനിശ്ശേരി 1,5, പാട്യം 11, പയ്യന്നൂര്‍ നഗരസഭ 26, പെരിങ്ങോം വയക്കര 2, രാമന്തളി 5, ശ്രീകണ്ഠാപുരം നഗരസഭ 3,4,6, തളിപ്പറമ്പ് നഗരസഭ 4,12,30, തലശ്ശേരി നഗരസഭ 48, വളപട്ടണം 1,11.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: