ആലപ്പുഴ: കുടുംബശ്രീ മിഷന്റെ നേതൃത്വത്തില് സംരംഭകരുടെ വിവിധ ഉത്പന്നങ്ങള് ജനങ്ങളിലെത്തിക്കാനായി വിപണന മേള സംഘടിപ്പിക്കുന്നു. കുടുംബശ്രീയുടെ സ്വന്തം ഓണ്ലൈന് വിപണന പോര്ട്ടലായ https://www.kudumbashreebazaar.com/ ലൂടെ വന് വിലക്കുറവിലും ലാഭത്തിലും ഗുണനിലവാരമുള്ള ഉത്പന്നങ്ങള് സ്വന്തമാക്കാമെന്നാണ് അധികൃതര് നല്കുന്ന വാഗ്ദാനം.കുടുംബശ്രീ ഉത്സവ് എന്ന പേരിലാണ് വിപണനമേള ഒരുക്കുന്നത്. ജില്ലയിലെ 300ഓളം സംരംഭകരുടെ 1200 ഓളം ഉത്പന്നങ്ങള് പോര്ട്ടലിലൂടെ വാങ്ങാനാവും.
നാലു മുതല് 19 വരെയാണ് കുടുംബശ്രീ ഉത്സവ്. 200 രൂപയ്ക്ക് മുകളില് ഉത്പന്നങ്ങള് വാങ്ങുന്നവര്ക്ക് ഇന്ത്യയിലെവിടെയും ഡെലിവറി ചാര്ജ്ജില്ലാതെ സാധനങ്ങള് എത്തിച്ച് നല്കും. പോസ്റ്റല് വകുപ്പുമായി ചേര്ന്നാണ് സൗകര്യം ഒരുക്കുന്നത്. 600ലേറെ ഉത്പന്നങ്ങള്ക്ക് 40 ശതമാനം വരെ ഡിസ്കൗണ്ട്, 1000 രൂപയ്ക്ക് മുകളില് വാങ്ങിയാല് 10 ശതമാനം അധിക ഡിസ്കൗണ്ട്, 3000 രൂപയ്ക്ക് മുകളില് വാങ്ങുന്നവര്ക്ക് പ്രത്യേക ഡിസ്കൗണ്ട് എന്നിവയുണ്ട്. സംരംഭകര് നേരിട്ട് നല്കുന്ന പ്രത്യേക ഡിസ്കൗണ്ടും ലഭിക്കും.
