കൊച്ചി : മൊഴിയുടെ പകര്പ്പ് ആവശ്യപ്പെട്ട് സ്വര്ണ്ണക്കടത്ത് കേസ് പ്രതി സ്വപ്ന സുരേഷ് നല്കിയ ഹര്ജിയില് വിധി പറയുന്നത് ഹൈക്കോടതി തിങ്കളാഴ്ചത്തേക്ക് മാറ്റി. കസ്റ്റംസിനു നല്കിയ 33 പേജുള്ള രഹസ്യമൊഴിയുടെ പകര്പ്പ് നിയമപരമായ ആവശ്യങ്ങള്ക്ക് ഉപയോഗിക്കാനായി നല്കണമെന്നാവശ്യപ്പെട്ടാണ് സ്വപ്ന ഹൈക്കോടതിയെ സമീപിച്ചത്.
നേരത്തെ കീഴ്ക്കോടതി ഈ ആവശ്യം തള്ളിയതിനെ തുടര്ന്നാണ് സ്വപ്ന ഹൈക്കോടതിയെ സമീപിച്ചത്. അതേസമയം അന്വേഷണം പൂര്ത്തിയാകാതെ മൊഴിപകര്പ്പ് നല്കാനാകില്ലെന്നാണ് കസ്റ്റംസ് ഹൈക്കോടതിയെ അറിയിച്ചിട്ടുള്ളത്.
മൊഴിയിലെ വിശദാംശങ്ങള് പുറത്താകുന്നത് കേസന്വേഷണത്തെ സാരമായി ബാധിക്കും, അന്തിമ റിപ്പോര്ട്ട് നല്കിയതിനു ശേഷം പകര്പ്പ് കൈമാറാമെന്നും വാദത്തിനിടെ കസ്റ്റംസ് ഹൈക്കോടതിയില് വ്യക്തമാക്കിയിരുന്നു.
