കോട്ടയം: വാളയാറില്‍ പീഡനത്തിനിരയായി മരിച്ച പെണ്‍കുട്ടികളുടെ മൃതദേഹം സംസ്‌കരിച്ചത് അനുവാദമില്ലാതെയാണെന്നും പെണ്‍കുട്ടികളുടെ അമ്മയുടെ ഞെട്ടിക്കുന്ന വെളിപ്പെടുത്തല്‍.
ഞങ്ങള്‍ താമസിക്കുന്ന ഭൂമിയില്‍ മൃതദേഹം സംസ്‌കാരിക്കാനാവശ്യപ്പെട്ടപ്പോള്‍ എസ്‌ഐ ചാക്കോ അടക്കമുള്ള പ്രതിക്ക് കൂട്ടുനിന്നവരെല്ലാം ചേര്‍ന്ന് അത് തടഞ്ഞു. ഇളയകുട്ടികള്‍ ഇത് കണ്ട് പേടിക്കുമെന്നാണ് അന്ന് അവരെല്ലാം തന്നെ പറഞ്ഞു ധരിപ്പിച്ചതെന്നും അമ്മ പറഞ്ഞു. ഇന്നു രാത്രിയില്‍ മാതൃഭൂമിന്യൂസില്‍ നടന്ന സൂപ്പര്‍ പ്രൈം ടൈം ചര്‍ച്ചയിലാണ് പെണ്‍കുട്ടികളുടെ അമ്മ ഇക്കാര്യം വെളിപ്പെടുത്തിയത്.
മകളെ ദഹിപ്പിച്ച ശ്മശാനം പോലും അവര്‍ കാണിച്ചില്ല. എന്റെ മകളെ എവിടെയാണ് ദഹിപ്പിക്കേണ്ടതെന്ന് തീരുമാനിക്കുന്നത് ഞങ്ങള്‍ അച്ഛനും അമ്മയുമാണ്. പോലീസുകാരോ പ്രതിക്ക് കൂട്ടു നില്‍ക്കുന്നവരോ അല്ല. ഇവരുടെ വീട്ടിലെ മക്കള്‍ക്കാണ് ഇത് സംഭവിച്ചതെങ്കിലോ? ഇന്നേക്ക് ഒരു വര്‍ഷമായി തെളിവില്ലെന്ന് പറഞ്ഞ് പ്രതികളെ വെറുതെ വിട്ടിട്ട്.
ഇതിലൊരു ആറാമന്‍ കൂടിയുണ്ട്. അയാളെ രക്ഷിക്കാനാണ് ഈ അഞ്ചുപേരെയും രക്ഷിച്ചത്. രണ്ട് പ്രതികള്‍ സിപിഎം പ്രവര്‍ത്തകരാണ്. ഇവന്മാര് ചത്തത്കൊണ്ട് പാര്‍ട്ടിക്കെന്ത് നഷ്ടമെന്ന് അമ്മ ചര്‍ച്ചയില്‍ പറഞ്ഞു.
പ്രതികരിക്കാൻ ഇവിടെ എഴുതുക: