തിരുവനന്തപുരം: പ്രാദേശിക വിഷയങ്ങളില് കോണ്ഗ്രസ് എംപി രാഹുല് ഗാന്ധി അഭിപ്രായം പറയേണ്ടതില്ലെന്ന് പ്രതിപക്ഷ നേതാവ് രമേശ് ചെന്നിത്തല. അത്തരം കാര്യങ്ങള്ക്ക് ഇവിടെ ആളുണ്ട്. സംസ്ഥാനത്തെ കൊവിഡ് പ്രതിരോധ പ്രവര്ത്തനത്തെ രാഹുല് അഭിനന്ദിച്ചില്ലേ എന്ന ചോദ്യത്തിന് മറുപടി നല്കുകയായിരുന്നു ചെന്നിത്തല.
രാഹുല് ഗാന്ധിയെ പോലൊരു നേതാവ് ഇവിടെ വന്നിട്ട്, അദ്ദേഹം പ്രാദേശിക വിഷയങ്ങളിലൊക്കെ ഇടപെട്ട് സംസാരിക്കുന്നത് ശരിയല്ലായെന്നുള്ള അഭിപ്രായമാണ് ഉള്ളത്. ഇവിടത്തെ കാര്യങ്ങള് പറയാന് ഞങ്ങളൊക്കെ ഇവിടുണ്ടല്ലോ.
അദ്ദേഹം പറയുമ്പോള് അദ്ദേഹം ആ നിലയില് നിന്നു കൊണ്ട് പറഞ്ഞാല് മതി. അതാണ് തങ്ങളുടെയും അഭിപ്രായമെന്നും കേന്ദ്ര-സംസ്ഥാന സര്ക്കാരുകള് പരസ്പരം പഴിചാരുകയാണെന്നാണ് രാഹുല് പറഞ്ഞതെന്നും ചെന്നിത്തല പറഞ്ഞു.
