പുനലൂര്: ഇടമണ്ണില് ഉത്രാടനാളില് ഹിന്ദു ഐക്യവേദി താലൂക്ക് സെക്രട്ടറി ഇടമണ് റജിയെ വെട്ടിക്കൊലപ്പെടുത്താന് ശ്രമിച്ച പ്രതികള് മംഗലാപുരത്ത് അറസ്റ്റിലായി.
ഇടമണ് പറങ്കിമാംവിള വീട്ടില് ഷാനവാസ് (36), ഇടമണ് കൊല്ലനഴികത്ത് വീട്ടില് ഷറഫുദ്ദീന് (37), ഇടമണ് പറങ്കിമാംവിള വിട്ടീല് സജ്ജയ് ഖാന് (25), ഇടമണ് റെയില്വേ സ്റ്റേഷന് സമീപം കൊല്ലനഴി കത്ത് വീട്ടില് നിജാമുദ്ദീന് (25), കനാല് പുറംമ്പോക്കില് അനീഷ് (32), ഇടമണ് വാഴവിള സുജാ വിലാസത്തില് അഭിലാഷ് (33) എന്നിവരാണ് അറസ്റ്റിലായത്. പ്രതികളിലൊരാളായ രാജീവിനെ പിടികൂടിയിട്ടില്ല.
പ്രതികള് മദ്യപിക്കാന് ഉപയോഗിച്ചിരുന്ന വീട് വാടകയ്ക്ക് റജി വാങ്ങിയതാണ് ആക്രമണത്തിന് കാരണം. കഴിഞ്ഞ ഉത്രാടനാളില് രാത്രി 8ന് റജിയേയും 8-ാം ക്ലാസ് വിദ്യാര്ഥിയായ മകനേയും വാള് ഉപയോഗിച്ച് പ്രതികള് വെട്ടി കൊലപ്പെടുത്താന് ശ്രമിക്കുകയായിരുന്നു. ഇതിനെ തുടര്ന്ന് അക്രമികളെ അറസ്റ്റ് ചെയ്യാത്തതില് പ്രതിഷേധിച്ച് ഹിന്ദു ഐക്യവേദിയുടെ നേതൃത്വത്തില് ഇടമണില് പ്രകടനവും യോഗവും നടത്തിയിരുന്നു.
