തൃശൂര് : കുട്ടനെല്ലൂരില് സുഹൃത്തിന്റെ കുത്തേറ്റ് ചികില്സയിലായിരുന്ന വനിതാ ഡോക്ടര് മരിച്ചു. മൂവാറ്റുപുഴ സ്വദേശി വലിയകുളങ്ങര വീട്ടില് ഡോ.സോന (30) ആണ് മരിച്ചത്. കഴിഞ്ഞ ചൊവ്വാഴ്ചയാണ് സോനക്ക് കുത്തേറ്റത്. സുഹൃത്തും ബിസിനസ് പാര്ട്ട്ണറുമായ പാവറട്ടി സ്വദേശി മഹേഷ് ആണ് സോനയെ കുത്തിയത്. സംഭവത്തിന് ശേഷം മഹേഷ് ഒളിവിലാണ്.
ഡോ.സോനയും മഹേഷും ചേര്ന്ന് കുട്ടനെല്ലൂരില് ദന്തല് ക്ളിനിക്ക് നടത്തുകയാണ്. മഹേഷുമായി ഉണ്ടായ സാമ്പത്തിക ഇടപാടുകളെ തുടര്ന്ന് സോന പോലീസില് പരാതി നല്കിയിരുന്നു. ഇതറിഞ്ഞെത്തിയ മഹേഷ് കുത്തി പരിക്കേല്പ്പിക്കുകയായിരുന്നുവെന്ന് പറയുന്നു. വിവാഹബന്ധം വേര്പിരിഞ്ഞ് കഴിയുന്ന സോന രണ്ട് വര്ഷമായി മഹേഷിനൊപ്പം ഫ്ളാറ്റില് ഒരുമിച്ചായിരുന്നു താമസം.
