പത്തനാപുരം: പെണ്കുട്ടികളുടെ ഫോണ് നമ്പരുകള് യൂട്യൂബിലൂടെ പ്രചരിപ്പിച്ച് ഇന്സ്റ്റഗ്രാം വഴി അശ്ലീല വീഡിയോകളും ദൃശ്യങ്ങളും അയച്ച കേസില്യുവ ഡോക്ടറെ പോലീസ് പിടികൂടി. തമിഴ്നാട്പുതുക്കോട്ട മുസ്ലീം തെരുവില് അബ്ദുള് കലാ(25)മാണ് കുന്നിക്കോട് പോലീസിന്റെ പിടിയിലായത്.
ഡോക്ടറായ പ്രതി കൂടെ പഠിച്ച പെണ്കുട്ടികളുടെ ഫോണ് നമ്പരുകള് ശേഖരിച്ച് മോശക്കാരികളാണന്ന് തെറ്റിദ്ധരിപ്പിച്ച് നിരവധി അശ്ലീല സൈറ്റുകളിലും വാട്സ് ആപ്പ് ഗ്രൂപ്പുകളിലും പ്രചരിപ്പിക്കുകയായിരുന്നു. ഇതേ തുടര്ന്ന് തമിഴ്നാട്ടില് നിന്നടക്കം നിരവധി ഫോണ്കോളുകള് പെണ്കുട്ടികള്ക്ക് വന്നു.
ശല്യം സഹിക്കാനാവാതെ കുന്നിക്കോട്, ചെറിയ വെളിനല്ലൂര് സ്വദേശിനികള് റൂറല് പോലീസ് മേധാവി ഹരിശങ്കര് ഐപിഎസിന് പരാതി നല്കുകയായിരുന്നു. സൈബര്സെല് നടത്തിയ അന്വേഷണത്തിലൂടെയാണ് പ്രതിയെ പിടികൂടിയത്. കുന്നിക്കോട് ഇന്സ്പെക്ടര് മുബാറഖ്, എസ്ഐ വിനു, ജയകുമാര്, രാഹുല് എന്നിവര് അറസ്റ്റിന് നേതൃത്വം നല്കി.
