മുംബൈ : ബോളീവുഡ് താരം സുശാന്ത് സിങ് രാജ്പൂതിന്റേത് ആത്മഹത്യ തന്നെയാണെന്ന് എയിംസിലെ ഡോക്ടര്‍മാരുടെ സംഘം. തൂങ്ങമരിക്കുന്നതിനിടെ ശരീരത്തില്‍ ഉണ്ടായ മുറിവല്ലാതെ മറ്റൊന്നും സുശാന്തിന്റെ ശരീരത്തില്‍ ഉണ്ടായിരുന്നില്ലെന്നും ഡോക്ടര്‍മാര്‍ അറിയിച്ചു. വിദഗ്ധ ഡോക്ടര്‍മാര്‍ പരിശോധന നടത്തിയതിന്റെ റിപ്പോര്‍ട്ട് സിബിഐക്ക് കൈമാറിക്കഴിഞ്ഞു.
സുശാന്തിന്റേത് ആത്മഹത്യ തന്നെയാണ്. തൂങ്ങിമരിച്ചതിന്റെ മുറിവുകള്‍ മാത്രമാണ് അദ്ദേഹത്തിന്റെ ശരീരത്തില്‍ കണ്ടിട്ടുള്ളത് അല്ലാതെ ഒന്നും തന്നെ കണ്ടെത്താന്‍ സാധിച്ചിട്ടില്ല. ബലം പ്രയോഗം നടന്നതിന്റെ ഒരു അടയാളവും സുശാന്തിന്റെ ശരീരത്തില്‍ ഇല്ല. ഇക്കാര്യം സംബന്ധിച്ച് കൂടുതല്‍ വെളിപ്പെടുത്തലുകള്‍ നടത്താന്‍ കഴിയില്ലെന്നും ഫോറന്‍സിക് സംഘത്തിന്റെ മേധാവി ഡോ.സുധീര്‍ ഗുപ്ത അറിയിച്ചു.
ജൂണ്‍ നാലിനാണ് സുശാന്ത് സിങ്ങിനെ മുംബൈയിലെ ഫ്ളാറ്റില്‍ മരിച്ച നിലയില്‍ കണ്ടെത്തിയത്. തുടര്‍ന്ന് നിരവധി സംശയങ്ങളാണ് മരണവുമായി ബന്ധപ്പെട്ട് ബന്ധുക്കള്‍ ഉള്‍പ്പെടെയുള്ളവര്‍ ആരോപിച്ചത്. ഇതുമായി ബന്ധപ്പെട്ട് അദ്ദേഹത്തിന്റെ കാമുകി റിയ അന്വേഷണവും നേരിടുന്നുണ്ട്.
പ്രതികരിക്കാൻ ഇവിടെ എഴുതുക: