കൊട്ടിയം: അലുമിനിയം ഷീറ്റുകള് അടുക്കിവച്ചിരുന്ന കൂറ്റന് റാക്കിന് അടിയില് യുപി സ്വദേശി കുടുങ്ങി. ഇന്നലെ വൈകിട്ട് മൂന്നരയോടെ കൊട്ടിയം സംസം മെറ്റല്സ് എന്ന കടയിലാണ് സംഭവം. 20 ടണ് വരുന്ന ഭാരമാണ് യുപി സ്വദേശി അഷറഫ് (20)ന് മുകളില് വീണത്. കടയിലെ ജോലിക്കാരനാണ് ഇയാള്.
കടപ്പാക്കടയില് നിന്നെത്തിയ അഗ്നിശമനസേയാണ് അപകടത്തില്പെട്ട ആളെ രക്ഷപെടുത്തി ആശുപത്രിയിലെത്തിച്ചത്. രണ്ടു കാലുകള്ക്കും ഗുരുതരപരിക്കുണ്ട്. രക്ഷാപ്രവര്ത്തനത്തിനിടയില് അഗ്നിശമനസേന അംഗമായ ഫയര് ഓഫീസര് ധനേഷിനും പരിക്കേറ്റു. ജില്ലാ ഫയര് ഓഫീസര് ഹരികുമാറിന്റെ നേതൃത്വത്തിലായിരുന്നു രക്ഷാപ്രവര്ത്തനം.
