കണ്ണൂര്: മന്ത്രി ഇ.പി. ജയരാജന്റെ കണ്ണൂര് പാപ്പിനിശ്ശേരിയിലെ വസതിയിലേക്ക് സമാധാനപരമായി മാര്ച്ച് നടത്തിയ യുവമോര്ച്ച പ്രവര്ത്തകരെ ക്രൂരമായി മര്ദ്ദിച്ച കണ്ണൂര് ഡിവൈഎസ്പി പി.പി. സദാനന്ദനെതിരെ സംസ്ഥാന, ദേശീയ മനുഷ്യാവകാശ കമ്മിഷനുകള്ക്കും കേന്ദ്ര ആഭ്യന്തര മന്ത്രാലയത്തിനും പരാതി നല്കി. ഡിവൈഎസ്പി സദാനന്ദന് യുവമോര്ച്ച പ്രവര്ത്തകന് നിഷാന്തിന്റെ അടിവയറ്റില് ചവിട്ടി ഗുരുതരമായി പരിക്കേല്പ്പിച്ചത് നിയമവിരുദ്ധവും മനുഷ്യാലംഘനവുമാണെന്ന് പരാതിയില് ചൂണ്ടിക്കാട്ടി.
ഡിവൈഎസ്പിയുടെ മനുഷ്യാവകാശവിരുദ്ധ പ്രവൃത്തി കേന്ദ്ര അഭ്യന്തര മന്ത്രാലയം അന്വേഷിക്കണമെന്നും മനുഷ്യാവകാശക്കമ്മീഷന് കേസെടുക്കണമെന്നും പരാതിയില് ആവശ്യപ്പെട്ടു. പൊതുപ്രവര്ത്തകരായ കെ. പ്രജിത്ത്, ബി. സുരേന്ദ്രന് എന്നിവരാണ് പരാതി നല്കിയത്. ലൈഫ്മിഷന് അഴിമതി, സ്വര്ണ്ണക്കടത്ത് തുടങ്ങിയ കേസുകളില് മന്ത്രി ഇ.പി. ജയരാജന്റെയും കുടുംബത്തിന്റെ പങ്ക് അന്വേഷിക്കണമെന്നാവശ്യപ്പെട്ടായിരുന്നു ചൊവ്വാഴ്ച യുവമോര്ച്ച കണ്ണുര് ജില്ലാക്കമ്മിറ്റിയുടെ നേതൃത്വത്തില് മാര്ച്ച് നടന്നത്.
ജന്മഭൂമി ഓണ്ലൈന്