ദുബായ്: അജിത്ത് സിങ് നയിക്കുന്ന ബിസിസിഐ അഴിമതി വിരുദ്ധ സംഘം യുഎഇയില്‍. ഐപിഎല്ലിനിടയ്‌ക്ക് വാതുവെപ്പ് പോലുള്ള അഴിമതികള്‍ തടയുന്നതിനാണ് എട്ട് അംഗ സംഘം എത്തിയത്.
കൊറോണ മഹാമാരിയുടെ പശ്ചാത്തലത്തില്‍ എല്ലാ കളിക്കാരും ബയോ-ബബിളില്‍ ആയതിനാല്‍ വാതുവെപ്പ് പോലുള്ള സംഭവങ്ങള്‍ ഉണ്ടാകാനുള്ള സാധ്യത വിരളമാണെന്ന് അജിത്ത് സിങ് പറഞ്ഞു.
അടച്ചിട്ട സ്‌റ്റേഡിയത്തിലാണ് മത്സരങ്ങള്‍ നടക്കുക. മത്സരശേഷം കളിക്കാര്‍ ഹോട്ടലില്‍ തന്നെ തുടരണം. അനാവസശ്യമായി പുറത്തുപോകാന്‍ അനുവദിക്കില്ല. അതിനാല്‍ വാതുവെപ്പുകാര്‍ കളിക്കാരെ സമീപിക്കാന്‍ സാധ്യതയില്ലെന്നും സിങ് കൂട്ടിച്ചേര്‍ത്തു.
ഈ മാസം 19ന് ആരംഭിക്കുന്ന ഐപിഎല്‍ മത്സരങ്ങള്‍ നവംബര്‍ പത്ത് വരെ നീണ്ടുനില്‍ക്കും. അബുദാബി, ഷാര്‍ജ, ദുബായ് എന്നിവിടങ്ങളിലാണ് മത്സരങ്ങള്‍ അരങ്ങേറുക.
പ്രതികരിക്കാൻ ഇവിടെ എഴുതുക: