മട്ടന്നൂര്: കണ്ണൂര് വിമാനത്താവളം വഴി കടത്താന് ശ്രമിച്ച 50 ലക്ഷത്തിലധികം രൂപയുടെ സ്വര്ണം കസ്റ്റംസ് പിടികൂടി. ദുബായില് നിന്ന് എയര് ഇന്ത്യ എക്സ്പ്രസ് വിമാനത്തിലെത്തിയ മാഹി സ്വദേശി റാഷിദ് നടുക്കുനി പറമ്പത്ത് (31) ആണ് അറസ്റ്റിലായത്. 978 ഗ്രാം സ്വര്ണമാണ് ഇയാളില് നിന്ന് പിടിച്ചെടുത്തത്. മിശ്രിത രൂപത്തിലുള്ള സ്വര്ണം അടിവസ്ത്രത്തില് ഒളിപ്പിച്ച നിലയിലായിരുന്നു. ഇതിന് 50,42,568 രൂപ വില വരും.
പരിശോധനയ്ക്ക് കസ്റ്റംസ് അസി. കമ്മീഷണര് ഇ.വികാസ്, സൂപ്രണ്ടുമാരായ വി.പി. ബേബി, പി.സി. ചാക്കോ, നന്ദകുമാര്, ഇന്സ്പെക്ടര്മാരായ ദിലീപ് കൗശല്, ഹബീബ്, ജോയ് സെബാസ്റ്റ്യന്, മനോജ് യാദവ്, ഹവില്ദാര് രാജന് എന്നിവര് നേതൃത്വം നല്കി.
ജന്മഭൂമി ഓണ്ലൈന്