ലണ്ടന്‍: ട്രാക്കിലെ ഇതിഹാസ താരം ഉസൈന്‍ ബോള്‍ട്ടിന് കൊറോണ വൈറസ് സ്ഥിരീകരിച്ചു. കഴിഞ്ഞ ദിവസം 34 വയസ് തികഞ്ഞ ബോള്‍ട്ട് ആഘോഷ ചടങ്ങ് സംഘടിപ്പിച്ചിരുന്നു. ഇവിടെ നിന്ന് വൈറസ് ബാധയേറ്റെന്നാണ് നിഗമനം. ചടങ്ങില്‍ വെടിക്കെട്ട് ബാറ്റ്‌സ്മാന്‍ ക്രിസ് ഗെയില്‍, ഇംഗ്ലണ്ട് ഫുട്‌ബോള്‍ താരം റഹീം സ്‌റ്റെര്‍ലിങ് എന്നിവരുള്‍പ്പെടെ വന്‍ താരങ്ങളാണ് പങ്കെടുത്തത്.
100, 200 മീറ്റര്‍ ഓട്ടമത്സരങ്ങളിലെ റെക്കോഡിനുടമയായ ബോള്‍ട്ടിന് കൊറോണ സ്ഥിരീകരിച്ച വിവരം ജമൈക്കയുടെ ആരോഗ്യമന്ത്രി നേരിട്ട് പുറത്തുവിടുകയായിരുന്നു. ഇതിന് പിന്നാലെ ഉസൈന്‍ ബോള്‍ട്ടും സ്ഥിരീകരണവുമായി സമൂഹമാധ്യമത്തിലെത്തി. തനിക്ക് കൊറോണ സ്ഥിരീകരിച്ചെന്നും വീട്ടില്‍ ക്വാറന്റൈനിലാണെന്നും ബോള്‍ട്ട് പറഞ്ഞു.
ജന്മദിനാഘോഷ ചടങ്ങില്‍ നൂറുകണക്കിന് ആളുകള്‍ക്കൊപ്പം ബോള്‍ട്ട് നൃത്തം ചെയ്യുന്ന വീഡിയോ സമൂഹമാധ്യമത്തില്‍ ചര്‍ച്ചയായിരുന്നു. പലരും മാസ്‌ക് ധരിച്ചിരുന്നില്ല.
പ്രതികരിക്കാൻ ഇവിടെ എഴുതുക: