കണ്ണൂര്‍: മുഖ്യമന്ത്രിയുടെ രാജി ആവശ്യപ്പെട്ട് ബിജെപി സംസ്ഥാന പ്രസിഡണ്ട് കെ. സുരേന്ദ്രന്‍ നയിക്കുന്ന ഉപവാസ സമരത്തിന് ഐക്യദാര്‍ഢ്യം പ്രഖ്യാപിച്ച് കണ്ണൂരില്‍ യുവമോര്‍ച്ച സംസ്ഥാന ട്രഷറര്‍ അനൂപ് മാസ്റ്റര്‍, യുവമോര്‍ച്ച ജില്ലാ പ്രസിഡണ്ട് അരുണ്‍ കൈതപ്രം എന്നിവര്‍ നയിക്കുന്ന ഉപവാസ സമരം ബിജെപി ജില്ലാ പ്രസിഡണ്ട് എന്‍. ഹരിദാസ് ഉദ്ഘാടനം ചെയ്തു. യുവമോര്‍ച്ച ജില്ലാ ജനറല്‍ സെക്രട്ടറി അര്‍ജുന്‍ മാവിലക്കണ്ടി, ജില്ലാ സെക്രട്ടറി അഡ്വ. കെ. രഞ്ജിത്ത്, ജില്ലാ വൈസ് പ്രസിഡണ്ട് അരുണ്‍ എ ഭരത് എന്നിവര്‍ ഉപവാസത്തിന് ഐക്യദാര്‍ഢ്യം പ്രഖ്യാപിച്ച് ജില്ലാ ആസ്ഥാനത്ത് ഉപവാസം അനുഷ്ഠിച്ചു.
യുവമോര്‍ച്ച ഇരിക്കൂര്‍ മണ്ഡലം കമ്മറ്റി പൂപ്പറമ്പില്‍ നടത്തിയ ഉപവാസ സമരം ബിജെപി മണ്ഡലം പ്രസിഡന്റ് അജികുമാര്‍ കരിയില്‍ ഉദ്ഘാടനം ചെയ്തു. യുവമോര്‍ച്ച മണ്ഡലം പ്രസിഡന്റ് വിജേഷ് വിജയന്‍ അധ്യക്ഷത വഹിച്ചു. സമാപന ചടങ്ങ് ബിജെപി ഇരിക്കൂര്‍ മണ്ഡലം വൈസ് പ്രസിഡന്റ് സഞ്ജു കൃഷ്ണ കുമാര്‍ ഉദ്ഘാടനം ചെയ്തു. ഏരുവേശി പഞ്ചായത്ത് പ്രസിഡന്റ് എം.സി. രഞ്ജിത്ത്, വി.കെ. സതിശന്‍, പുരുഷോത്തമന്‍, പ്രസാദ് എന്നിവര്‍ സംസാരിച്ചു. യുവമോര്‍ച്ച മണ്ഡലം പ്രസിഡന്റ് വിജേഷ്, ജില്ലാ കമ്മറ്റി അംഗം നിഷാന്ത് ഇരിക്കൂര്‍, വൈസ് പ്രസിഡന്റ് നിഷാന്ത് ശ്രീകണ്ഠപുരം, ജനറല്‍ സെക്രട്ടറി അരുണ്‍ ജയചന്ദ്രന്‍, സെക്രട്ടറി പ്രവീണ്‍ ഉളിക്കല്‍ എന്നിവര്‍ പങ്കെടുത്തു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: