ദുബായ്: ക്യാപ്റ്റന്‍ വിരാട് കോഹ്‌ലിക്ക് വിശ്രമമില്ല. ഐപിഎല്ലിനായി ദുബായിലെത്തിയ കോഹ്‌ലി ഹോട്ടലില്‍ പരിശീലനം ആരംഭിച്ചു. ക്യാപ്റ്റന്‍ കോഹ്‌ലി ഹോട്ടല്‍ മുറിയില്‍ പരിശീലനം നടത്തുന്ന ചിത്രം റോയല്‍ ചലഞ്ചേഴ്‌സ് ബെംഗളൂരു ടീം ട്വിറ്ററില്‍ പോസ്റ്റ് ചെയ്തു
കായിക ക്ഷമതയ്‌ക്ക് ഏറെ പ്രാധാന്യം കൊടുക്കുന്ന കളിക്കാരനാണ് കോഹ്‌ലി. ദുബായിലെത്തിയതിന്റെ പിറ്റേദിവസം മുതല്‍ പരിശീലനം ആരംഭിച്ചു. ഐപിഎല്ലിനായി ദുബായിലെത്തിയ എല്ലാ കളിക്കാരും ഹോട്ടലുകളില്‍ ഐസോലേഷനിലാണ്.വിരാട് കോഹ്‌ലി നയിക്കുന്ന റോയല്‍ ചലഞ്ചേഴ്‌സ് ഇതു വരെ ഐപിഎല്‍ കിരീടം നേടിയിട്ടില്ല. ഇത്തവണ കിരീടം നേടാമെന്ന പ്രതീക്ഷയിലാണ് അവര്‍.
കോഹ്‌ലിയുടെ കീഴില്‍ റോയല്‍ ചലഞ്ചേഴ്‌സ് ഐപിഎല്‍ കിരീടം നേടിയിട്ടില്ലെങ്കിലും കോഹ്‌ലിയുടെ നായകത്വത്തില്‍ ടീം ചെയര്‍മാന്‍ സഞ്ജീവ് ചൂരിവാല സംതൃപ്തനാണ്. വിരാട് ഇന്ത്യന്‍ ക്യാപ്റ്റനാണ്. ഒട്ടേറെ ആരാധകരും ഉണ്ട്. വിരാടുമായി സഹകരിക്കാന്‍ ഞങ്ങള്‍ക്ക് ഇഷ്ടമാണെന്ന് സഞ്ജീവ് പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: