ന്യൂദല്‍ഹി : കോണ്‍ഗ്രസ് പാര്‍ട്ടിക്കുള്ളില്‍ കുടുംബ വാഴ്ചയാണെന്ന് ആരോപിച്ച് സോണിയ ഗാന്ധിക്ക് പ്രവര്‍ത്തകരുടെ കത്ത്. പാര്‍ട്ടി നേതൃത്വത്തിലും തീരുമാനങ്ങളിലും കുടുംബവാഴ്ചയാണെന്ന് ആരോപിച്ച് നൂറോളം കോണ്‍ഗ്രസ് പ്രവര്‍ത്തകരാണ് താത്കാലിക അധ്യക്ഷയായ സോണിയയ്‌ക്ക് കത്തെഴുതിയത്.
മുന്‍ കോണ്‍ഗ്രസ് നേതാവ് സഞ്ജയ് ഝാ ട്വിറ്ററിലൂടെയാണ് ഇതുസംബന്ധിച്ച വിവരങ്ങള്‍ പുറത്തുവിട്ടത്. കോണ്‍ഗ്രസ് നേതൃത്വത്തിന്റെ പ്രവര്‍ത്തനങ്ങളില്‍ അസ്വസ്ഥരായ എംഎല്‍എമാരുള്‍പ്പെടെ 100 പ്രവര്‍ത്തകര്‍ സോണിയാ ഗാന്ധിക്ക് കത്തയച്ചിരുന്നു.
അധ്യക്ഷ സ്ഥാനത്തെ മാറ്റവും സിഡബ്യൂസിയിലെ സുതാര്യമായ തെരഞ്ഞെടുപ്പും ആവശ്യപ്പെട്ടിട്ടുണ്ടെന്നും ഝാ അറിയിച്ചു. അതേസമയം ഝായുടെ വാദം തള്ളി കോണ്‍ഗ്രസും രംഗത്ത് വന്നിട്ടുണ്ട്.
പ്രതികരിക്കാൻ ഇവിടെ എഴുതുക: