ന്യൂദല്ഹി : കേന്ദ്ര ആഭ്യന്തരമന്ത്രി അമിത്ഷാ സ്വാതന്ത്രദിന ആശംസകള് അറിയിച്ചു. എഴുപത്തിനാലാം സ്വാതന്ത്ര്യ ദിനത്തോടനുബന്ധിച്ച് കേന്ദ്ര ആഭ്യന്തരമന്ത്രി തന്റെ വീട്ടില് ദേശീയപതാക ഉയര്ത്തി.
നമ്മുടെ സ്വാതന്ത്ര്യ സമര സേനാനികള് സ്വപ്നം കണ്ട സ്വതന്ത്രവും ശക്തവും സ്വയംപര്യാപ്തവുമായ ഇന്ത്യ, പ്രധാനമന്ത്രി നരേന്ദ്രമോദി യാഥാര്ഥ്യമാക്കിയതില് നമുക്ക് അഭിമാനിക്കാം എന്ന് അമിത് ഷാ അഭിപ്രായപ്പെട്ടു. ഒരുവശത്ത് മോദി ഗവണ്മെന്റ് പാവപ്പെട്ടവര്ക്കും ദുര്ബല വിഭാഗങ്ങള്ക്കും വീട്, ഊര്ജ്ജം, ആരോഗ്യ ഇന്ഷുറന്സ് എന്നിവ നല്കിവരുന്നു.
മറുവശത്തു ഇന്ത്യ ഒരു പ്രബല രാജ്യം ആയി ഉയര്ന്നു വരുന്നു. ഈ സ്വാതന്ത്ര്യദിനത്തില്, പ്രധാനമന്ത്രി നരേന്ദ്രമോദിയുടെ ‘സ്വയം പര്യാപ്ത ഇന്ത്യ’ എന്ന സ്വപ്നം പൂര്ത്തീകരിക്കാന് നമുക്ക് പ്രതിജ്ഞയെടുക്കാം. ‘മേക്ക് ഇന് ഇന്ത്യ’ ഉത്പന്നങ്ങള് വഴി ഇന്ത്യയെ കൂടുതല് ഉയരങ്ങളില് എത്തിക്കാന് ഓരോരുത്തരും സംഭാവന നല്കണമെന്ന് അദ്ദേഹം പറഞ്ഞു. എല്ലാവര്ക്കും സ്വാതന്ത്ര്യദിനാശംസകള് നേരുന്നതായും അമിത് ഷാ ട്വിറ്ററില് കുറിച്ചു.
