തൃശൂര്‍: വാടക വീട് കേന്ദ്രീകരിച്ച് ഓണ്‍ലൈന്‍ പെണ്‍വാണിഭം നടത്തിയിരുന്ന പത്തംഗ സംഘം ചാലക്കുടിയില്‍ പിടിയിലായി. ദേശീയ പാതയോരത്ത് മൂരിങ്ങൂര്‍ കോട്ടമുറി ജംഗ്ഷന് സമീപത്തായി വീട് വാടകക്കെടുത്തായിരുന്നു രണ്ട് മാസമായി പെണ്‍വാണിഭം നടത്തുകയായിരുന്നത്. എട്ട് പുരുഷന്‍മാരേയും രണ്ട് സ്ത്രീകളേയുമാണ് പിടികൂടിയത്. സ്ത്രീകളിലൊരാളായ സിന്ധുവാണ് നടത്തിപ്പുകാരി.
കൊന്നക്കുഴി ആട്ടോക്കാരന്‍ റിന്റോ (35), ആലുവ അമ്പലത്തുപറമ്പില്‍ ഷിയാസ് (32), ആളൂര്‍ ചാരുവിള പുത്തന്‍ വീട്ടില്‍ ശ്യാം (26), വെള്ളാംച്ചിറ പുളിയാനി വിന്‍സ് (26), എലിഞ്ഞിപ്ര സിത്താര നഗര്‍ കളപ്പാട്ടില്‍ വിഷ്ണു (24), വെറ്റിലപ്പാറ ആന്നൂര്‍ പൊയ്ക സുധീഷ് (37), വെണ്ണൂര്‍ വെളുത്താട്ട് മുകേഷ് (37), വാലുങ്ങാമുറി അരിയാമ്പിള്ളി സുജിത് (37), വെറ്റിലപ്പാറ മാതിരപ്പിള്ളി സിന്ധു (37), മൂലം കോട് പാഴാര്‍ത്തി രാജി (37) എന്നിവരാണ് പിടിയിലായത്.
സിന്ധു ഇതിന് മുന്‍പും സമാന രീതിയിലുള്ള കേസിലെ പ്രതിയാണ്. പ്രതികള്‍ ഉപയോഗിച്ചിരുന്ന നാല് ഇരുചക്ര വാഹനങ്ങളും ഒരു കാറും പോലീസ് കസ്റ്റഡിയിലെടുത്തു. പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: