കണ്ണൂര്: ജില്ലയില് 31 പേര്ക്ക് ഇന്നലെ രോഗം സ്ഥിരീകരിച്ചു. 16 പേര്ക്ക് സമ്പര്ക്കം മൂലമാണ് രോഗബാധ. നാലു പേര് വിദേശത്ത് നിന്നും ഒന്പതു പേര് ഇതര സംസ്ഥാനങ്ങളില് നിന്നും എത്തിയവരാണ്. രണ്ട് ആരോഗ്യ പ്രവര്ത്തകര്ക്കും പുതുതായി രോഗം സ്ഥിരീകരിച്ചു.
ദുബൈയില് നിന്നെത്തിയ കണ്ണൂര് താണ സ്വദേശി (27), കോട്ടയം മലബാര് സ്വദേശി (28), ദമാമില് നിന്നെത്തിയ അഞ്ചരക്കണ്ടി സ്വദേശി (36), ജിദ്ദയില് നിന്നെത്തിയ ഇരിട്ടി സ്വദേശി (25) എന്നിവരാണ് വിദേശത്തു നിന്നെത്തിയവര്.
ബെംഗളൂരുവില് നിന്നെത്തിയ പാനൂര് സ്വദേശി (36), ചിറ്റാരിപ്പറമ്പ് സ്വദേശി (27), ഇരിട്ടി സ്വദേശി (എട്ട്), ചൊക്ലി സ്വദേശി (32), കരിവെള്ളൂര് പെരളം സ്വദേശി (27), തില്ലങ്കേരി സ്വദേശി (37), മഹാരാഷ്ട്രയില് നിന്നെത്തിയ കേളകം സ്വദേശികളായ (25), (27), അരുണാചല് പ്രദേശില് നിന്നെത്തിയ ഇരിട്ടി സ്വദേശി (23) എന്നിവരാണ് ഇതര സംസ്ഥാനങ്ങളില് നിന്നെത്തിയത്.
പരിയാരം സ്വദേശി (24), കൊളച്ചേരി സ്വദേശി (76) 11 ന് മരണപ്പെട്ടു, അഴീക്കോട് സ്വദേശി (75), ഇരിട്ടി സ്വദേശികളായ (63), (60), (19), പായം സ്വദേശികളായ (നാല്), (30), കാങ്കോല് ആലപ്പടമ്പ സ്വദേശികളായ (39), (രണ്ട്), തളിപ്പറമ്പ പാലയാട് സ്വദേശി (22), ഏഴാം മൈല് സ്വദേശി (31), പാപ്പിനിശ്ശേരി സ്വദേശി (35), കല്ല്യാശ്ശേരി സ്വദേശികളായ (70) (10 ന് മരണപ്പെട്ടു), (53), കതിരൂര് സ്വദേശി (52) എന്നിവര്ക്കാണ് സമ്പര്ക്കത്തിലൂടെ രോഗം ബാധിച്ചത്.
കൂടാളി സ്വദേശി ഡോക്ടര് (28), മയ്യില് സ്വദേശി സ്റ്റാഫ് നഴ്സ് (34) എന്നീ ആരോഗ്യപ്രവര്ത്തകര്ക്കും രോഗബാധ സ്ഥിരീകരിച്ചു.
ഇതോടെ ജില്ലയില് ഇതുവരെ റിപ്പോര്ട്ട് ചെയ്യപ്പെട്ട കൊവിഡ് പോസിറ്റീവ് കേസുകളുടെ എണ്ണം 1805 ആയി. ഇതില് 1362 പേര് രോഗമുക്തി നേടി.
കൊവിഡ് 19 മായി ബന്ധപ്പെട്ട് ജില്ലയില് നിലവില് നിരീക്ഷണത്തിലുള്ളത് 8927 പേരാണ്. ഇവരില് അഞ്ചരക്കണ്ടി കോവിഡ് ട്രീറ്റ്മെന്റ് സെന്ററില് 77 പേരും കണ്ണൂര് ഗവ. മെഡിക്കല് കോളേജ് ആശുപത്രിയില് 140 പേരും തലശ്ശേരി ജനറല് ആശുപത്രിയില് 20 പേരും കണ്ണൂര് ജില്ലാ ആശുപത്രിയില് 23 പേരും കണ്ണൂര് ആര്മി ഹോസ്പിറ്റലില് 11 പേരും കണ്ണൂര് ആസ്റ്റര് മിംസ് ആശുപത്രിയില് 6 പേരും ഏഴിമല നാവിക സേനാ ആശുപത്രിയില് രണ്ടു പേരും ഫസ്റ്റ് ലൈന് കോവിഡ് ട്രീറ്റ്മെന്റ് സെന്ററുകളില് 148 പേരും ഹോം ഐസൊലേഷനില് അഞ്ച് പേരും ഇന്ദിരാഗാന്ധി സഹകരണ ആശുപത്രി തലശ്ശേരിയില് ഒരാളും വീടുകളില് 8494 പേരുമാണ് നിരീക്ഷണത്തിലുള്ളത്.
ജില്ലയില് പുതുതായി കൊവിഡ് പോസിറ്റീവ് കേസുകള് റിപ്പോര്ട്ട് ചെയ്യപ്പെട്ട 19 വാര്ഡുകള് കൂടി കണ്ടെയിന്മെന്റ് സോണുകളായി ജില്ലാ കലക്ടര് ടി വി സുഭാഷ് പ്രഖ്യാപിച്ചു. ഇവയില് സമ്പര്ക്കം വഴി രോഗബാധയുണ്ടായ കൊളച്ചേരി 7, കൂടാളി 4, ഇരിട്ടി 4, കാങ്കോല് ആലപ്പടമ്പ 10, പാപ്പിനിശ്ശേരി 5, കല്ല്യാശ്ശേരി 13, ചെങ്ങളായി 13, 15, പയ്യന്നൂര് 28, 29, മാടായി 16 എന്നീ വാര്ഡുകള് പൂര്ണമായി അടച്ചിടും.
അതോടൊപ്പം, പുറമെ നിന്നെത്തിയവരില് രോഗബാധ കണ്ടെത്തിയ കണ്ണൂര് കോര്പ്പറേഷന് 45, തില്ലങ്കേരി 1, അഞ്ചരക്കണ്ടി 3, കേളകം 1, ഇരിട്ടി 9, 17, ചിറ്റാരിപ്പറമ്പ 5, ചൊക്ലി 4 എന്നീ വാര്ഡുകളില് രോഗികളുടെ വീട് കേന്ദ്രമാക്കി 100 മീറ്റര് ചുറ്റളവില് വരുന്ന പ്രദേശങ്ങള് കണ്ടെയിന്മെന്റ് സോണുകളാക്കും.
കൊവിഡ് 19 ബാധിച്ച് ആശുപത്രികളിലും ഫസ്റ്റ്ലൈന് കൊവിഡ് ട്രീറ്റ്മെന്റ് സെന്ററുകളിലും ചികിത്സയിലായിരുന്ന 63 പേര് കൂടി ഇന്നലെ രോഗം ഭേദമായി ആശുപത്രി വിട്ടു. ഇതോടെ ജില്ലയിലെ കൊവിഡ് ബാധിതരില് രോഗമുക്തി നേടിയവരുടെ എണ്ണം 1362 ആയി. 10 പേര് കൊവിഡ് ബാധിച്ചും നാലു പേര് കൊവിഡ് ഇതര കാരണങ്ങളാലും മരണപ്പെട്ടു. ബാക്കി 398 പേര് വിവിധ ആശുപത്രികളില് ചികിത്സയിലാണ്.
ജന്മഭൂമി ഓണ്ലൈന്