ഏലപ്പാറ: നാല് ദിവസം മുമ്പ് ഉണ്ടായ ഉരുള്‍പൊട്ടലില്‍ വീടും കൃഷിയിടവും നശിച്ച സംഭവത്തില്‍ സ്ഥലത്തേക്ക് തിരിഞ്ഞ് നോക്കാതെ അധികൃതര്‍. വാര്‍ഡ് മെമ്പറെ അടക്കം വിവരം അറിയിച്ചിട്ടും ദിവസങ്ങള്‍ പിന്നിട്ടിട്ടും ഇങ്ങോട്ട് ആരും എത്തിയിട്ടില്ല.
10-ാം വാര്‍ഡിലെ കോഴിക്കാനം 26 പുതുവലില്‍ ആറിന് വൈകിട്ട് 5.30യോട് കൂടിയാണ് ഉരുള്‍പൊട്ടിയത്. കൊഴിഞ്ഞുവിള പുത്തന്‍ വീട്ടില്‍ അര്‍ജുനന്റെ കുടുംബവും സഹോദരന്‍ ധനരാജന്റെ കുടുംബവും ശബ്ദം കേട്ട് ഓടി രക്ഷപെടുകയായിരുന്നു. ഉരുള്‍പൊട്ടലില്‍ അര്‍ജുനന്റെ വീടും കൃഷി സ്ഥലവും ധനരാജന്‍, ജെയിമോന്‍ എന്നിവരുടെ കൃഷി ഭൂമിയും ഒലിച്ചു പോയി. മറ്റ് സൗകര്യങ്ങളില്ലാത്തതിനാല്‍ സമീപത്തെ സഹോദന്റെ വീട്ടിലാണ് അര്‍ജുനന്‍ ഇപ്പോള്‍ കഴിയുന്നത്.
വീടിന്റെ കുറച്ച് ഭാഗം മാത്രമാണ് നശിക്കാതെ അവശേഷിക്കുന്നത. ഇവിടമാകട്ടെ താമസയോഗ്യവുമല്ല. മഴ കനക്കുന്നതിനാല്‍ ഇനി എന്ത് ചെയ്യണമെന്നറിയാതെ കുഴങ്ങുകയാണ് ഈ കുടുംബം.
പ്രതികരിക്കാൻ ഇവിടെ എഴുതുക: