ജോനാഥന്‍ ട്രോട്ട് ഇംഗ്ലണ്ടിന്റെ ബാറ്റിങ് കോച്ച്

ലണ്ടന്‍: പാക്കിസ്ഥാനെതിരായ ടെസ്റ്റ് പരമ്പരയ്‌ക്കുള്ള ഇംഗ്ലണ്ട് ക്രിക്കറ്റ് ടീമിന്റെ ബാറ്റിങ് പരിശീലകനായി മുന്‍ ബാറ്റ്‌സ്മാന്‍ ജോനാഥന്‍ ട്രോട്ടിനെ നിയമിച്ചു.  

മുപ്പത്തിയൊമ്പതുകാരനായ ട്രോട്ട് ഇംഗ്ലണ്ടിനായി 52 ടെസ്റ്റ് കളിച്ചു. 3835 റണ്‍സും നേടി. 68 ഏകദിനങ്ങളും ഏഴു ട്വന്റി20യും കളിച്ചിട്ടുണ്ട്. ഫസ്റ്റ് ക്ലാസ് ക്രിക്കറ്റില്‍ 18,662 റണ്‍സ് നേടി. ഇംഗ്ലണ്ടും പാക്കിസ്ഥാനും തമ്മിലുള്ള മൂന്ന് മത്സരങ്ങളുടെ ടെസ്റ്റ് പരമ്പര നാളെ ആരംഭിക്കും.