കാസര്‍കോട്: കാസര്‍കോട് ജില്ലയില്‍ ഇന്നലെ 113 പേര്‍ക്ക് കൂടി കോവിഡ് 19 സ്ഥിരീകരിച്ചു. ഉറവിടമറിയാത്ത 13 പേരുള്‍പ്പെടെ 104 പേര്‍ക്ക് സമ്പര്‍ക്കത്തിലൂടെയാണ് കോവിഡ് സ്ഥിരീകരിച്ചത്. വിദേശത്ത് നിന്ന് വന്ന അഞ്ച് പേര്‍ക്കും (ഒമാനില്‍ നിന്ന് വന്ന പനത്തടി പഞ്ചായത്തിലെ 38 കാരന്‍, ഹോങ്കോങ്ങില്‍ നിന്ന് വന്ന ചെമ്മനാട് പഞ്ചായത്തിലെ 40 കാരന്‍, ഖത്തറില്‍ നിന്ന് വന്ന കാഞ്ഞങ്ങാട് നഗരസഭയിലെ 21,44 വയസുള്ള പുരുഷന്മാര്‍,കാസര്‍കോട് നഗരസഭയിലെ 27 കാരന്‍), ഇതരസംസ്ഥാനത്ത് നിന്ന് വന്ന നാല് പേര്‍ക്കും (ത്രിപുരയില്‍ നിന്ന് വന്ന കിനാനൂര്‍ പഞ്ചായത്തിലെ 46 കാരന്‍, ബംഗളൂരൂവില്‍ നിന്ന് വന്ന കോടോംബേളൂര്‍ പഞ്ചായത്തിലെ 23 കാരന്‍, തൃക്കരിപ്പൂര്‍ പഞ്ചായത്തിലെ 38 കാരന്‍, മഹാരാഷ്‌ട്രയില്‍ നിന്ന് വന്ന ഉദുമ പഞ്ചായത്തിലെ 52 കാരന്‍) ആണ് ഇന്നലെ കോവിഡ് പോസിറ്റീവായത്. ഇന്നലെ കോവിഡ് സ്ഥിരീകരിച്ചവരില്‍ രണ്ട് ആരോഗ്യ പ്രവര്‍ത്തകരും (പള്ളിക്കര പഞ്ചായത്തിലെ 44 കാരി, കള്ളാര്‍ പഞ്ചായത്തിലെ 47 കാരി), കണ്ണൂര്‍ കാങ്കോല്‍ സ്വദേശിയായ ചന്തേര പോലീസ് സ്റ്റേഷനിലെ പോലീസ് ഉദ്യോഗസ്ഥനും ഉള്‍പ്പെടുന്നു.
വീടുകളില്‍ നിരീക്ഷണത്തില്‍ 2910 പേരും സ്ഥാപനങ്ങളില്‍ 1072 പേരുമുള്‍പ്പെടെ ജില്ലയില്‍ നിരീക്ഷണത്തിലുള്ളത് 3982 പേര്. പുതിയതായി 572 പേരെ കൂടി നിരീക്ഷണത്തിലാക്കി. ഇതുവരെ 30418 സാമ്പിളുകള്‍ പരിശോധനയ്‌ക്ക് അയച്ചു. സെന്റിനല്‍ സര്‍വ്വെ അടക്കം 763 പേരുടെ സാമ്പിളുകള്‍ പുതിയതായി പരിശോധനയ്‌ക്ക് അയച്ചു. 516 പേരുടെ പരിശോധനാ ഫലം ലഭിക്കാനുണ്ട്. 203 പേര് നിരീക്ഷണ കാലയളവ് പൂര്‍ത്തിയാക്കി.പുതിയതായി ആശുപത്രിയിലും മറ്റു കോവിഡ് കെയര്‍ സെന്ററുകളിലുമായി 174 പേരെ നിരീക്ഷണത്തിലാക്കി. 59 പേരെ ആശുപത്രിയിലും മറ്റു കോവിഡ് കെയര്‍ സെന്ററുകളില്‍ നിന്നും ഡിസ്ചാര്‍ജ് ചെയ്തു.
പരിയാരം മെഡിക്കല്‍ കോളേജില്‍ നിന്ന് ഒരാളും പരവനടുക്കം എംആര്‍എസ് സിഫ്എല്‍ടിസിയില്‍ നിന്ന് നാല് പേരും ഉദയഗിരി സിഎഫ്എല്‍ടിസിയില്‍ നിന്ന് ഏഴ് പേരും, വിദ്യാനഗര്‍ സിഎഫ്എല്‍ടിസിയില്‍ നിന്ന് രണ്ടാളും, മഞ്ചേശ്വരം ഗോവിന്ദപൈ സിഎഫ്എല്‍ടിസിയില്‍ നിന്ന് 14 പേരും കാഞ്ഞങ്ങാട് ജില്ല ആശുപത്രിയില്‍ നിന്ന് മൂന്നു പേരുമുള്‍പ്പെടെ 31 പേര്‍ക്ക് ഇന്നലെ കോവിഡ് നെഗറ്റീവായി.
രോഗം സ്ഥിരീകരിച്ചവരുടെ പഞ്ചായത്ത്/ നഗരസഭതല കണക്ക്:
അജാനൂര്‍ (രണ്ട്), ചെമ്മനാട്-18, ചെങ്കള-ആറ്, കാഞ്ഞങ്ങാട്-ഏഴ്, കാസര്‍കോട്-29, ഉദുമ-എട്ട്, തൃക്കരിപ്പൂര്‍-18, പടന്ന-മൂന്ന്, കയ്യൂര്‍ചീമേനി, മഞ്ചേശ്വരം, മുളിയാര്‍, പള്ളിക്കര, പനത്തടി പഞ്ചായത്തുകളില്‍ രണ്ട് വീതവും, കള്ളാര്‍, കാറഡുക്ക, കിനാനൂര്‍ കരിന്തളം, കോടോംബേളൂര്‍, മടിക്കൈ, മംഗല്‍പാടി, മീഞ്ച, നീലേശ്വരം നഗരസഭ, പുല്ലൂര്‍പെരിയ, വലിയപറമ്പ, വെസ്റ്റ് എളേരി, കങ്കോല്‍(കണ്ണൂര്‍) എന്നിവിടങ്ങളില്‍ ഓരോന്ന് വീതവുമാണ് കോവിഡ് പോസ്റ്റീവ് സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക: