തൃശൂര്: സിപിഎം നേതാവിന്റെ ഭീഷണിയെ തുടര്ന്ന് തിരുവില്വാമല പറക്കോട്ടുപാടം പാടശേഖരത്തില് പാട്ട കൃഷി ചെയ്യുന്ന പട്ടാമ്പി സ്വദേശികള് കൃഷിഉപേക്ഷിക്കാനൊരുങ്ങുന്നു. സഹോദരന്മാരായ സൂര്യന്, ഉണ്ണികൃഷ്ണന് എന്നിവരാണ് കൃഷി ഉപേക്ഷിക്കാനൊരുങ്ങുന്നത്.
കഴിഞ്ഞ രണ്ട്് കാലവര്ഷകെടുത്തിയിലും ഇക്കഴിഞ്ഞ ഏപ്രില് മാസത്തില് വീശിയടിച്ച കാറ്റിലും വ്യാപക കൃഷിനാശം നേരിട്ട ഈ കര്ഷകരെ സിപിഎം കുത്താമ്പുള്ളി ബ്രാഞ്ച് സെക്രട്ടറിയായ അമ്പിളി നിരന്തരം ഭീഷണിപെടുത്തുകയാണെന്നാണ് ഇവര് പറയുന്നത്. പണം ആവശ്യപെട്ട അമ്പിളി പണം നല്കിയില്ലെങ്കില് കൃഷി നടത്താന് അനുവദിക്കില്ലെന്ന് പറഞ്ഞതായും ഉണ്ണിക്കൃഷ്ണന് പറയുന്നു. എട്ട് ലക്ഷത്തോളം രൂപ വായ്പയെടുത്താണ് ഇവര് കൃഷി നടത്തുന്നത്.
ചേലക്കര എംഎല്എയുമായി അടുത്ത ബന്ധം പുലര്ത്തുന്ന അമ്പിളിക്കെതിരെ നിരവധി സാമ്പത്തിക ആരോപണങ്ങള് ഉയരുന്നുണ്ട്്. ലക്ഷങ്ങളാണ് അമ്പിളി പാര്ട്ടി ഫണ്ടായി ആവശ്യപെടുന്നത്. രസീത് നല്കാതെ പിരിവ് നടത്തുന്നയാളാണ് അമ്പിളി. ഭീഷണിപെടുത്തി പണം വാങ്ങല് പതിവാക്കിയ അമ്പിളിയെ പാര്ട്ടിയിലെ ഉന്നതരാണ് സംരക്ഷിക്കുന്നതെന്നും ആരോപണമുണ്ട് കൊറോണക്കാലത്തെ ഭീഷണിയില് ഏകവരുമാനം നിലക്കുമെന്ന ഭയത്തിലാണ് ഈ സഹോദരങ്ങള്.
