കണ്ണൂർ: ജില്ലയില് അഞ്ച് പേര്ക്ക് കൂടി ഇന്നലെ കൊവിഡ് സ്ഥിരീകരിച്ചു. ഇതര സംസ്ഥാനത്ത് നിന്ന് എത്തിയ രണ്ട് പേര്ക്കും സമ്പര്ക്കം മൂലം രണ്ട് പേര്ക്കും ഒരു ആരോഗ്യപ്രവര്ത്തകനുമാണ് രോഗം സ്ഥിരീകരിച്ചത്. അതിനിടെ, ജില്ലയില് കൊവിഡ് ബാധിച്ച് ചികില്സയിലായിരുന്ന 35 പേര് കൂടി രോഗമുക്തി നേടി.
ബെംഗളൂരുവില് നിന്ന് ജൂലൈ 28ന് എത്തിയ പിണറായി സ്വദേശി 40കാരന്, 29ന് എത്തിയ ചിറ്റാരിപറമ്പ് സ്വദേശി 21കാരന് എന്നിവരാണ് ഇതര സംസ്ഥാനത്ത് നിന്നെത്തിയവര്. തൃപ്പങ്ങോട്ടൂര് സ്വദേശി 20കാരന്, കണ്ണൂര് കോര്പ്പറേഷനിലെ തിലാന്നൂര് സ്വദേശി 26കാരി എന്നിവര്ക്കാണ് സമ്പര്ക്കം മൂലം രോഗബാധയുണ്ടായത്. കണ്ണൂര് ഗവ. മെഡിക്കല് കോളേജിലെ സ്റ്റാഫ് നഴ്സ് അയ്യന്കുന്ന് സ്വദേശി (ഇപ്പോള് പരിയാരത്ത് താമസം) 36കാരിയാണ് രോഗം ബാധിച്ച ആരോഗ്യ പ്രവര്ത്തക.
ഇതോടെ ജില്ലയിലെ കൊവിഡ് ബാധിതരുടെ എണ്ണം 1386 ആയി. ഇവരില് 925 പേര് ഇതിനകം രോഗമുക്തരായി ആശുപത്രി വിട്ടു. 35 പേര് ഇന്നലെയാണ് രോഗം ഭേദമായി വീടുകളിലേക്ക് മടങ്ങിയത്.
പാലയാട് സിഎഫ്എല്ടിസിയില് ചികിത്സയിലായിരുന്ന കണ്ണൂര് കോര്പ്പറേഷന് സ്വദേശി 34കാരന്, പാനൂര് സ്വദേശികളായ 25കാരന്, 52കാരന്, തലശ്ശേരി സ്വദേശി 39കാരന്, കോട്ടയം മലബാര് സ്വദേശികളായ 21കാരന്, 20കാരന്, 14കാരന്, ആര്മി ആശുപത്രിയിലും, ആര്മി സിഎഫ്എല്ടിസിയിലും, കേന്ദ്രീയ വിദ്യാലയത്തിലുമായി ചികിത്സയിലായിരുന്ന 28 ഡിഎസ്സി ഉദ്യോഗസ്ഥര് എന്നിവരാണ് ഇന്നലെ ആശുപത്രി വിട്ടത്.
കൊവിഡ് 19മായി ബന്ധപ്പെട്ട് ജില്ലയില് നിലവില് നിരീക്ഷണത്തിലുള്ളത് 9825 പേരാണ്. ഇവരില് അഞ്ചരക്കണ്ടി കോവിഡ് ട്രീറ്റ്മെന്റ് സെന്ററില് 103 പേരും കണ്ണൂര് ഗവ. മെഡിക്കല് കോളേജ് ആശുപത്രിയില് 152 പേരും തലശ്ശേരി ജനറല് ആശുപത്രിയില് 11 പേരും കണ്ണൂര് ജില്ലാ ആശുപത്രിയില് 24 പേരും കണ്ണൂര് ആര്മി ഹോസ്പിറ്റലില് 13 പേരും കണ്ണൂര് ആസ്റ്റര് മിംസ് ആശുപത്രിയില് 10 പേരും ഏഴിമല നാവിക സേനാ ആശുപത്രിയില് രണ്ടു പേരും ഫസ്റ്റ് ലൈന് കോവിഡ് ട്രീറ്റ്മെന്റ് സെന്ററുകളില് 92 പേരും വീടുകളില് 9418 പേരുമാണ് നിരീക്ഷണത്തിലുള്ളത്.
ജില്ലയില് നിന്ന് ഇതുവരെ 30598 സാംപിളുകള് പരിശോധനയ്ക്ക് അയച്ചതില് 29304 എണ്ണത്തിന്റെ ഫലം വന്നു. 1294 എണ്ണത്തിന്റെ ഫലം ലഭിക്കാനുണ്ട്. പുതുതായി കൊവിഡ് ബാധ റിപ്പോര്ട്ട് ചെയ്യപ്പെട്ട ജില്ലയിലെ ആറു തദ്ദേശ സ്വയംഭരണ വാര്ഡുകള് കൂടി കണ്ടെയിന്മെന്റ് സോണുകളായി ജില്ലാ കലക്ടര് പ്രഖ്യാപിച്ചു. ശ്രീകണ്ഠാപുരം 22, ചിറ്റാരിപറമ്പ 8, പിണറായി 5 എന്നീ വാര്ഡുകളുമാണ് പുതുതായി കണ്ടെയിന്മെന്റ് സോണുകളായത്. ഇവിടങ്ങളില് വിദേശ രാജ്യങ്ങളില് നിന്നും ഇതര സംസ്ഥാനങ്ങളില് നിന്നും എത്തിയവര്ക്കാണ് കൊവിഡ് ബാധയെന്നതിനാല് രോഗികളുടെ വീട് കേന്ദ്രമാക്കി 100 മീറ്റര് ചുറ്റളവില് വരുന്ന പ്രദേശങ്ങളാണ് കണ്ടെയിന്മെന്റ് സോണുകളാക്കുക.
ഇതിനു പുറമെ, സമ്പര്ക്കം മൂലം രോഗബാധയുണ്ടായ കണ്ണൂര് കോര്പ്പറേഷന് 30-ാം ഡിവിഷനും തൃപ്പങ്ങോട്ടൂര് 8, അയ്യന്കുന്ന് 13 എന്നീ വാര്ഡുകളും പൂര്ണമായി അടച്ചിടും.
അതേസമയം, നേരത്തേ കണ്ടെയിന്മെന്റ് സോണുകളായി പ്രഖ്യാപിക്കപ്പെട്ട കണ്ണൂര് കോര്പ്പറേഷന് 1,15,33,43, ഡിവിഷനുകളും ആന്തൂര് 22, അഴീക്കോട് 15,18, ചെമ്പിലോട് 11,15,16,17,19, ചെറുപുഴ 10, ചെറുതാഴം 14, ചിറക്കല് 5,7,16, ചിറ്റാരിപ്പറമ്പ 3,5,7,14, ചൊക്ലി 15, എരുവേശ്ശി 2,7, ഇരിട്ടി 14, കടമ്പൂര് 10, കതിരൂര് 18, കണ്ണപുരം 8, കരിവെള്ളൂര് പെരളം 4 , കൊളച്ചേരി 9,10, കോളയാട് 2,8, കൂത്തൂപറമ്പ 16,20,25,27, കോട്ടയം മലബാര് 8, കൊട്ടിയൂര് 1, മട്ടന്നൂര് 7,12, മയ്യില് 11,17, മൊകേരി 3,5,6,14, മുണ്ടേരി 1,3,4,6,7, പരിയാരം 2, പയ്യന്നൂര് 7,26, പെരളശ്ശേരി 3,18,പേരാവൂര് 2,6,10, പിണറായി 12, ശ്രീകണ്ഠാപുരം 8,18, തലശ്ശേരി 1,23,28, തില്ലങ്കേരി 10, തൃപ്പങ്ങോട്ടൂര് 3,9,18, ഉളിക്കല് 16, വേങ്ങാട് 1,3,18, ആലക്കോട് 2, നടുവില് 17, കീഴല്ലൂര് 10, എരമം കുറ്റൂര് 11, പാപ്പിനിശ്ശേരി 12,13, ഏഴോം 14, ചെറുകുന്ന് 6, ചെങ്ങളായി 1, മാടായി 12, പെരിങ്ങോം വയക്കര 3 എന്നീ വാര്ഡുകളും കണ്ടെയിന്മെന്റ് സോണ് നിയന്ത്രണങ്ങളില് നിന്നും ഒഴിവാക്കി.
ജന്മഭൂമി ഓണ്ലൈന്