തൃശൂര്: ശക്തന് നഗര് മാര്ക്കറ്റില് കൊറോണ വ്യാപന ആശങ്കയേറ്റി കടയിലെ ജീവനക്കാരനും രോഗം സ്ഥിരീകരിച്ചു. മാര്ക്കറ്റിലെ വെളിച്ചെണ്ണ കടയിലെ സഹായിയായി നില്ക്കുന്ന മാറ്റാംപുറം സ്വദേശിക്കാണ് കൊറോണ സ്ഥിരീകരിച്ചത്. കഴിഞ്ഞ ദിവസം രണ്ട് ചുമട്ട് തൊഴിലാളികള്ക്ക് രോഗം സ്ഥിരീകരിച്ചതിനെ തുടര്ന്ന് മാര്ക്കറ്റ് അടച്ചിട്ടിരിക്കുകയാണ്.
കടയിലെ സഹായിക്കും രോഗം സ്ഥിരീകരിച്ചതോടെ ആശങ്കയിലാണ് മറ്റ് വ്യാപാരികളും ജീവനക്കാരും. മൈസൂരില് നിന്ന് തക്കാളി കൊണ്ടുവന്ന ലോറി ഡ്രൈവറില് നിന്നാണ് ചുമട്ടു തൊഴിലാളികള്ക്ക് രോഗം പകര്ന്നത്.
ചുമട്ടു തൊഴിലാളികള്ക്ക് കോറോണ സ്ഥിരീകരിച്ചതിനെ തുടര്ന്ന് മാര്ക്കറ്റിലെ വ്യാപാരികളും മറ്റു തൊഴിലാളികളും ഇപ്പോള് നിരീക്ഷത്തിലാണ്. വരന്തരപ്പിള്ളി, നല്ലങ്കര സ്വദേശികളായ ചുമട്ടു തൊഴിലാളികള്ക്കാണ് രോഗം സ്ഥിരീകരിച്ചത്. ഇവരില് ഒരു ചുമട്ടു തൊഴിലാളിയുടെ ഭാര്യയും കൊറോണ പോസിറ്റീവാണ്.
